Senideek eta ordezkari politikoek agur esan diote Rodolfo Aresi, haren ekarpena azpimarratuz
Senideek eta lagunek, erakundeetako ordezkariekin eta ordezkari politikoekin batera, Rodolfo Ares buruzagi sozialista historikoari azken agurra eman diote gaur. Horiek guztiek egungo Euskadi eraikitzeko eta bakea lortzeko egindako ekarpena nabarmendu dute.
Gas plazako beilatokian jarritako hil-kaperara alderdi sozialistako ordezkari ugari gerturatu dira goizetik, eta azken agurra eman diote Eusko Jaurlaritzako Herrizaingo sailburu ohi eta PSE-EEko buruzagi ohiari.
Era berean, Iñigo Urkullu lehendakaria beilatokian izan da arratsaldean, euskal sozialismoaren buruzagi ohiari "ohore egiteko", eta "oroitzapen hunkitua" izan du berarekin partekatu dituen bizipenengatik.
12:00ak baino minutu batzuk lehenago, Patxi Lopez PSOEk Diputatuen Kongresuan duen bozeramailea ikusi ahal izan da, hunkituta. Komunikabideei egindako adierazpenetan, Lopezek Aresen "funtsezko" ekarpena azpimarratu du, "gaur egun Euskadin bizi ditugun askatasunez, adiskidetasunaz eta bakeaz gozatzeko".
Familiari doluminak emateko beilatokira joan diren lehendabizikoen artean, Leire Pajin Osasun eta Berdintasun ministro ohi eta Garapen Jasangarrirako Espainiako Sareko egungo presidentea ere egon da, Eduardo Madina diputatu sozialista ohiarekin batera.
Alderdi sozialistako kargudun organikoekin batera, egungo sailburu sozialistak izan dira: Iñaki Arriola, Javier Hurtado eta Idoia Mendia. Bigarren lehendakariordearen ahotan, Ares Euskadiko "arkitekto modernoa" da, "gaur egun bakean gozatzen duguna".
Eneko Andueza hunkitu batek gogorarazi du Aresen "benetako obsesioa, anbizioa eta bokazioa" Euskadi "hobetzea" izan zela, eta azken agurra ematera hurbildu den "jende oso anitza, desberdina, askotarikoa" nabarmendu du.
Rodolfo Aresi omenaldia egin nahi izan dioten alderdi politikoen artean EAJ ere egon da. Hala, Andoni Ortuzar EBBko presidenteak aitortu egin du buruzagi sozialista historikoak "Euskadiren alde" eta "alderdien arteko harremanak hobetzearen alde" egindako lana.
Bestalde, Carlos Iturgaiz EAEko PPko buruak euskal politikagintzan utzitako "arrastoa" azpimarratu du. "Lubaki berean egon ginen, denok batera alde berean ETAren aurkako borrokan", gaineratu du.
Zure interesekoa izan daiteke
Aurrekontuak onartu ezean, hauteskundeak deitzea eskatu dio EAJk Sanchezi
Jeltzaleek gehiengo parlamentarioa galdu izana leporatu diote Gobernuari, eta Sanchezek esan du alderdiekin negoziatuko duela kontuak aurrera ateratzeko.
Bizimodu duina bermatzeko politikei buruzko eztabaida monografikoa Legebiltzarrean
EH Bilduko Pello Otxandianok zerga eta etxebizitza erreforma proposatu du, Hernandezek (Sumar) gehien dutenek gehiago ordaintzea eskatu du eta Martinezek (Vox) "etxekoentzako" baliabideak lehenestea.
Gizon bat atxilotu dute Enrique Maya Iruñeko alkate ohiari egindako erasoarekin lotura duelakoan
Joan den ekainaren 9an, Iruñeko alkate ohia iraindu eta kolpatu zuten Estafeta kalean, baina ez zen zauritu. Mayak gertakaria salatu egin zuen, eta ustezko egilea atxilotu dute orain, segurtasun-kamerak aztertu ondotik.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, bere errugabetasuna berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.
Zapaterok bitxiengatik ere deklaratuko du asteazken honetan, Calama epaileak atzeratzea ukatu ostean
Espainiako gobernuburu ohiaren defentsak atzerapena eskatu zion Calama epaileari, gutxienez 1,3 milioi euroko balioa duten bitxien jatorriari buruzko dokumentazioa biltzeko denbora gehiago edukitzeko. Ferrazko bere bulegoan aurkitutako bitxiengatik kontrabando eta zerga delituak leporatu dizkio.