'Bai bakarrik da bai' legearen erreforma onartuko dute, okerrik ezean, PSOE, PP, EAJ, Cs eta Juntsen botoekin
Okerrik ezean, PSOEk bultzatutako 'bai bakarrik da bai' legearen erreforma aurrera aterako da gaur PP, EAJ, Ciudadanos (Cs) eta Junts per Catalunya (Junts) taldeen aldeko botoekin. Bozketa 12:00etan izango da, Diputatuen Kongresuan. Behe Ganberako eztabaida 09:00etan hasiko da.
Lege horren moldaketak arrakala sortu du koalizio gobernuko bi kideen artean. Araudiaren ardatza onespena izatea defendatzen dute moreek, eta indarkeria eta larderia astungarriak izatea. Sozialistek, baina, sexu-erasoaren delituaren barruan azpiatal bat sortzea proposatu dute indarkeria edo larderia dagoen kasuetan zigorrak handiagoak izan daitezen.
Unidas Podemos, ERC eta EH Bildu taldeek uste dute PSOEren erreformak onespena arauaren erdigunetik kenduko duela. Hala uste dute talde feministek ere, eta hori dela eta, atzo protesta egin zuten Espainiako Estatuko hainbat hiriburutan erdigunean onespena jartzea aldarrikatzeko.
Irene Montero Berdintasun ministroaren ustez, Sexu Askatasunaren Berme Integralaren Legearen erreforma "atzerapausoa" da. Kongresuko korridoreetan, ministroak esan zuen "ulergaitza" dela PSOEk PPrekin ituna egitea, eta sozialistei ohartarazi zien gobernu koalizioa "zaintzeko" Podemosekin eta gehiengo feministarekin akordioa lortu behar dutela. "Eskubideetan atzera egiten duen kontrarreforma bat PPrekin adosteak ez du zerikusirik koalizioa zaintzearekin. Guztiz kontrakoa da", adierazi zuen.
Monteroren ustez, koalizioa zaintzea Zigor Kodearen erdigunean onespena babesteko akordioa mantentzea da, "hori baita bi gobernukideok hitzartu genuena". Hala ere, azken orduko akordio bat posible dela nabarmendu du.
"Gutxiengoan geratzen bagara ere, eskubide feministak PPrekin hitzartu daitezkeenik sinesten ez duten pertsonak Gobernuan egon behar direla defendatzen jarraituko dugu. Guretzat hori koalizioa zaintzea da", azaldu zuen.
Bestalde, Pedro Sanchez Espainiako Gobernuko presidenteak justifikatu egin zuen erreforma, argudiatuz "aurrerapauso feminista" dakarren araudi hori "defendatzeko modurik onena, hain zuzen ere, Zigor Kodean aldaketa tekniko hori egitea" dela.
Elkarretaratzeak
Bilboko eta Donostiako Justizia jauregien sarreran egindako bi elkarretaratzek erreformaren aurkako protesta egin zuten atzo arratsaldean. Kolektibo feministak Estatuko hainbat hiritan bildu ziren, "Askeak eta eskubidedunak. Baimena ez da negoziatzen" lelopean.
Deitzaileen manifestuaren arabera, Sexu Askatasunaren Legea "paradigma aldaketa garrantzitsua izan zen, eta baimena jarri zuen sexu-indarkeria definitzeko osagai bakar gisa". Hori, horien ustez, galdu egin da PSOEk bultzatutako eta PPrekin adostutako erreformarekin.
Protesta. Argazkia: EFE
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.