UPN izango litzateke lehen indarra Nafarroan, baina PSNk eutsi egingo lioke Gobernuari
UPN izango litzateke alderdi bozkatuena Nafarroako Parlamenturako hauteskundeetan, baina baliteke PSNk eserleku kopuru bera lortzea, EITB Focus makroinkestaren arabera.
Hori horrela, Navarra Suma koalizioaren hausturak 1-2 eserleku galtzea ekarriko lioke eskuinari, eta Alderdi Sozialistak Gobernuari eutsi ahalko lioke, betiere egungo formula berretsita.
Hain zuzen ere, UPNk 12-13 eserleku izango lituzke. Duela lau urte, koalizioan aurkeztu zen PPrekin eta Ciudadanosekin, eta elkarrekin 20 lortu zituzten.
PSNk, bere aldetik, 11-12 parlamentari erdietsiko lituzke (11 ditu orain).
Hirugarren lekura EH Bildu igoko litzateke, Geroa Bai atzean utzita. Koalizio abertzaleak egun baino 1-2 ordezkari gehiago jasoko lituzke, hots, 8 edo 9.
Aitzitik, Geroa Bai laugarren postura jaitsiko litzateke, 9 eserleku izatetik, 7-8 izatera pasatuko litzatekeelako.
Urrunago, PPk 5 eskuratuko lituzke, Zurekin Nafarroa koalizioak bat gehiago lor lezake, hots, 3-4 aurreikusten dizkio inkestak, eta Vox 1-2rekin sartuko litzateke Parlamentuan.
Chivite, bigarrenez
Boto-emaileek EITB Focusek aurreikusitako joerak berretsiko balituzte, Maria Chivite PSNko hautagai eta Foru Gobernuaren egungo presidenteak bigarren agintaldia erdietsiko luke, Geroa Bairen eta Zurekin Nafarroaren babesarekin. EH Bilduren abstentzioa gehitzea nahikoa izango luke, izendapena bigarren bozketan eta gehiengo sinplez lortzeko.
D'hont Legearen banaketa-sistemak ez du gupidarik zatiketekin: UPNk, PPNk, Ciudadanosek eta Voxek azken hauteskundeetan baino boto gehiago batuko lituzkete, baina 1-2 eserleku galduta.
Metodologia
EAEn, 6.649 pertsona elkarrizketatu dituzte udal eta foru hauteskundeei buruzko EITB Focus berezia prestatzeko. Horietatik, 1.543 Araban izan dira; 2.483, Bizkaian, eta 2.623, Gipuzkoan. Nafarroan, aldiz, 1.358 galdekatu dituzte.
Inkestak apirilaren 26a eta maiatzaren 12a bitartean egin zituzten EAEn, eta maiatzaren 3a eta 11 bitartean Nafarroan.
Konfiantza-mailari eta beste hainbat adierazle estatistikori buruzko informazio sakonagoa ezagutzeko, kontsultatu ikerketaren PDFa.
PDF osoa: EITB Focus EAEko Batzar Nagusietarako hauteskundeei buruz
PDF osoa: EITB Focus Nafarroako Parlamenturako hauteskundeei buruz
Zure interesekoa izan daiteke
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.