EAJk ez du PPri "ezer emateko beharrik" ikusten, inbestiduretan horien babesa jaso arren
Aitor Urrutia EAJko legebiltzarkideak esan du jeltzaleek ez diotela "ezer eman beharrik" PPri, inbestidura-saioetan horien babesa jaso arren. Ildo horretatik, PPk azkenean noren alde egingo duen erabaki behar duela uste du Urrutiak.
Radio Euskadin egindako adierazpenetan, ordezkari jeltzaleak aitortu du EAJk boto kopuru handia galdu duela maiatzaren 28an izandako udal eta foru hauteskundeetan, eta horrek guztiak azterketa eta "autokritika" eskatzen duela, "baina ez autoflagelazioa". Elkarrekin Podemosen jarrera "argia da eta ziurrenik EH Bilduri babesa emango dio. PPk aukeratu beharko du EAJren hautagaia edo EH Bilduren hautagaia nahiago duen Gipuzkoako Foru Aldundian, eta hautagai sozialista edo ezker abertzalearena Gasteizen", zehaztu du.
Hala, iragarritako gobernagarritasun akordioarekin "erakundeetan aulkiak banatzea" eta PP "gehitzea" leporatu die Nerea Kortajarena EH Bilduko legebiltzarkideak EAJri eta PSE-EEri.
Testuinguru horretan, Euskadi "ziklo politiko berri batean" murgildu dela esan du Kortajarenak, bere iritziz, lurraldeak bestelako beharrak dituelako eta aldatu delako "soziologikoki zein politikoki". Halaber, "EH Bilduren proiektuak gizartean ematen ari den balio eta printzipio aldaketarekin bat" datorrela nabarmendu du, eta koalizio abertzaleak maiatzaren 28an lortu zituen emaitzak "oso onak" izan zirela azpimarratu du.
Nolanahi ere, Carmelo Barrio PPko legebiltzarkideak esan du bere alderdiak herritarrei emandako hitza betetzen duela, eta "ahal duten guztia" egingo dutela EH Bildu agintetik kanpo egoteko erakundeetan.
"Gobernu egonkorren giltza izan nahi dugu, ez bakarrik erakundeak eratzeko egunean", gaineratu du Barriok.
Gloria Sanchez PSE-EEko legebiltzarkidearen ustez, EAJrekin lortutako akordioak egonkortasuna ematen die erakundeei, eta ez du aurreikusten PP haien gobernuetako kide izatea. "Pentsa dezagun egonkortasuna behar dela. Elkarrekin Podemosek bere jarrera hobeto pentsatu eta berriz aztertu beharko luke. Gasteizen gure hautagaia aurkeztuko dugu, eta beste alderdien jarrera zein den ikusiko da", jakinarazi du.
Gustavo Angulo Elkarrekin Podemoseko legebiltzarkideak salatu duenez, EAJren eta PSE-EEren arteko akordioa "ez da itun programatiko soil bat", eta, gainera, PPrekin erakundeetan "hiruko gobernua" egotea ahalbidetzen du. Era berean, erreforma fiskala bezalako gaiak ez direla "gehiengo aurrerakoi baten esku" egongo uste du, "alderdi eskuindarren esku baizik".
Zure interesekoa izan daiteke
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.