Podemosek eta Sumarrek koalizio akordioa sinatu dute, baina Montero eta Echenique zerrendetatik at utziz
Ezkerrak bat egingo du Sumarren babespean uztailaren 23ko hauteskunde orokorretarako. Yolanda Diaz Gobernuko bigarren presidenteordearen alderdiak Podemos eta PSOEren ezkerraldean dauden gainerako indar aurrerakoiak integratzea lortu du: Izquierda Unida, comuns, Compromís, Más Madrid, Más País, Chunta Aragonesista, Més per Mallorca, Més per Menorca eta beste batzuk, hala nola Verdes Equo, Alianza Verde, Batzarre, Proyecto Drago, Izquierda Asturiana eta Iniciativa del Pueblo Andaluz.
Alderdien ordezkariek batasun ituna sinatu dute eta dagoeneko Hauteskunde Batzorde Zentralean erregistratu dute koalizioa. Hala, Sumarren logoa eta Diazen aurpegia eramango dituzte boto-paperetan.
Akordioa atzeratu egin da Podemosekin izandako zailtasunengatik. Azkenean, alderdi moreak 15 zerrendaburu izango ditu, eta horietatik zortzik eserlekua lor dezakete, egungo emaitza errepikatuz gero.
Gaur goizean, Ione Belarra Podemoseko buruak deitoratu egin du bigarren presidenteordearen taldeak esan izana Irene Montero "oztopo gaindiezina" zela ezkerreko hautagaitza zabalarentzat.
Hauteskunde zerrendei begira, Sumarrek esleitutako postuen zerrendan ez dira agertzen ez Montero ez alderdiko beste erreferente bat, Pablo Echenique Unidas Podemosek Kongresuan egun duen bozeramailea.
Sumarrek egin dien proposamena ez zaie gustatu, ezta ere, moreen arabera, Kongresutik kanpo utz ditzakeelako: Podemoseko buru eta Eskubide Sozialetako ministroa, Ione Belarra, bosgarren tokian dago Madrilgo zerrendan; Lilith Verstrynge Antolakuntzako idazkaria laugarren lekuan dago Bartzelonan, eta, gainera, 13 probintziatan Sumarren hautagai-zerrendaburu dira.
Ez dute akordioa itxitzat eman, eta negoziatzen jarraituko dute ekainaren 19ko mugara arte, orduan amaitzen baita hautagai zerrendak aurkezteko epea, eskaintza hobetzeko eta Montero sar dezaten saiatzeko. Hala ere, Sumarrek argi utzi du Podemosen presentzia eta ordezkaritza "oso bermatuta" dagoela.
Alderdi moreko buruzagi batzuen ustez, Yolanda Diazek txikitu ditu eta bere proiektuan desegin ditu, nahiz eta udal eta erkidego hauteskundeetako emaitzek Podemos indarrik gabe utzi, Sumarri baldintzak jartzeko.
Yolanda Diazek gidatzen duen alderditik azpimarratu dutenez, "indar aurrerakoi eta berdeen artean Espainiako aro demokratiko osoan lortutako akordiorik zabalena eta pluralena da".
"Batuketaren aniztasuna herrialdearen aniztasuna da, eta hori hauteskunde-koalizio honen nortasun-ikur bihurtu nahi dugu, hori baita alternatiba nagusia herritar aurrerakoiek itxaropena berreskura dezaten", amaitu dute.
Sare sozialetan, Enrique Santiago IUko buruzagiak nabarmendu du "Espainian ezkerrak duen batasun akordiorik zabalena Batuketarekin errealitate bat" dela, eta orain batasunaren garaia dela.
Hego Euskal Herriko zerrendak
Gipuzkoako lehen postuan Pilar Garrido izango da, Podemos Euskadiko egungo idazkari nagusia, eta Idoia Villanueva, Europako Parlamentuko moreen diputatua, Nafarroako hauteskunde barrutian lehiatuko da lehenengo lekuan.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.