Aizpuruak berretsi du Sanchez berriro babestuko luketela, trukean "ardura eta leialtasuna" eskatuta
"Noski baietz, Sanchezen alde egingo genuke berriro". Horrela erantzun du Mertxe Aizpurua EH Bilduko diputatu eta U23ko hauteskundeetan Gipuzkoako zerrendaburua denak hurrengo legegintzaldian gobernagarritasun aukerez galdetuta. Izan ere, jakin badakite zein den horren alternatiba: "Alderdi Popularra eta eskuin muturra", gogorarazi du. Babes horren trukean "jokatzeko eran" eta akordioak betetzeko orduan "ardura eta leialtasuna" galdegingo diotela azpimarratu du.
EH Bilduk U23rako hautagaitzak aurkeztu berritan—asteburuan egin dituzte ofizial, lurralde guztietan aurreko berdinei eutsita— elkarrizketa egin diote Aizpuruari Euskadi Irratiko "Faktoria" saioan. Senatuan ERCrekin batera aurkeztuko da koalizio subiranista. Argudiatu duenez, goi ganbera "lurraldetasunari begira" dago, eta han bi indarrek izan dute "esperientziarik" legegintzaldi honetan: "Talde bat gara eta pauso bat gehiago ematea erabaki da orain, eta uste dut erabaki ona dela". Hala, "baikorrak izanda, eta Gipuzkoan lehen indarra" badira, hiru senatari lortuko dituztela uste du Aizpuruak —orain bi dituzte—. Kongresuan, baina, bakarka aurkeztuko da EH Bildu, eta horren arrazoiaz galdetuta, bi ganberak "ezberdinak" direla azaldu du. Behe ganberan talde parlamentarioari eutsiko diotelakoan dago.
"Oso gogorra" izanagatik, legegintzaldiaz "balorazio oso positiboa" egin du EH Bilduko diputatuak. Horren esanetan, "jakin dugu aukerak aprobetxatzen, ez dakit dohaina den edo bidean ikasitako zerbait, baina arantzarik ez dut. Baliatu dugu aukera presioa egiteko eta Euskal Herriarentzat eta jendartearentzat neurri onak lortu ditugu".
Sumarren eta Podemosen artean sortutako arrakalak eta betoak ahotan, Aizpuruak esan du ez duela ulertzen Irene Montero Berdintasun ministroa baztertzea. "Asko estimatzen dut eta balio politiko handia du. Miresten dut erakutsi duen aguanteagatik, haren kontra izan den eraso eta irainak aguantatzeagatik", nabarmendu du.
Azkenik, larunbatean egingo den udalen osaketaren harira, EH Bilduko diputatuak azpimarratu du ez dutela galdutzat ematen Joseba Asiron Iruñeko alkate egitearena, edo Gasteizko alkatzetza eskuratzearena. "Azken minutura arte borrokatuko gara, ze uste dugu hauteslegoari zor diogula. Esplikazioak besteek eman beharko dituzte, eta argudio gutxi entzun ditut nik. Ez dute azaltzen zergatik Maddalen Iriarte edo Rocio Vitero kendu behar dituzten", adierazi du.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.