Gasteizko alkatetza estreinatu du Etxebarriak eta hirugarren agintaldiari ekin diote Goiak eta Aburtok
Hego Euskal Herriko herri eta hirietako udalak osatu dira gaur eta ez da ezustekorik izan EAEko hiriburuetan. Udal horien osaketaren ostean, Maider Etxebarria (PSE) izango da Gasteizko alkatea, Eneko Goia (EAJ), Donostiakoa, eta Juan Mari Aburto (EAJ), Bilbokoa.
Gasteiz
Maider Etxebarria sozialista Gasteizko alkate bilakatu da, PSE-EAJ itunaren botoak eta PPrenak batuta; izan ere, PPk babesa eman dio, Rocio Vitero EH Bilduko hautagaia (maiatzaren 28an bozkatuena) aukeratu ez zezaten.
Larunbat goizeko bederatzietan egindako osoko bilkuran, Etxebarriak PSEko 6 zinegotziren, EAJko 6 zinegotziren eta PPko 6 zinegotziren botoak batu ditu. Hala, udalbatzako 27 zinegotzietatik 18ren babesa lortu du. Hautagai abertzalea 9 botorekin geratu da: bere taldeko 7ak eta Elkarrekin taldeko 2ak.
Behin aukeratuta, eta hiriaren aginte-makila jaso ondoren, alkate berriak "ohorea eta harrotasuna" adierazi ditu hiriko lehen emakumezko alkate bihurtzeagatik, eta berdintasunaren eta "emakume gehiago" izatearen aldeko mezua bota du.
Halaber, aurreko legegintzaldian jeltzaleek Gorka Urtaranekin egin zuten Gobernu akordioa berrargitaratzeko asmoa agertu du, indar bozkatuena izan zelako.
"Baina, era berean, eskua luzatu nahi dut lehenengo minututik, agintaldi honi egonkortasuna ekarriko dioten akordio zabalak lortzeko. Helburu komunak ditugu eta horiei garrantzia eman behar diegu", esan du Etxebarriak, "egonkortasuna, gertutasuna eta akordioak" eskaini dituelarik.
Bestalde, Rocio Vitero EH Bilduren Gasteizko alkategaiak (zerrenda bozkatuena izan zena) deitoratu du EAJk eta PPk "buelta" eman dutela Gobernu "aurrerakoi eta zabal" baten aurrean.
"Guk lanean jarraituko dugu ziklo aldaketa berri hau sendotzeko", gaineratu du.
Donostia
Eneko Goia jeltzaleak hirugarren agintaldia du Donostian, larunbat honetan Donostiako Udala osatzeko osoko bilkuran EAJren botoekin alkate izendatu ostean.
Goiak EAJko bederatzi zinegotzien babesa jaso du, eta haren aurkari nagusiak, Juan Karlos Izagirre EH Bilduko hautagaiak, 8 eserlekuren babesa lortu du Donostiako Udalean. Hala, EAJk errepikatu egingo du Gipuzkoako hiriburuko Alkatetzan, EAJk eta PSEk Euskadin adostutako itun globalari jarraiki.
Horrenbestez, Gipuzkoako hiriburuko alkateak hirugarren agintaldia egingo du, baina oraingoan bere alderdiak pisu txikiagoa izango du, EAJk 10.000 boto baino gehiago galdu baititu maiatzaren 28ko hauteskundeetan 2019arekin alderatuta.
Hiriaren aginte-makila altxatu ondoren egindako hitzaldian, Goiak adierazi du hau "eraldaketaren" legegintzaldia izango dela oraingoa; Loiolako kuartelen diseinuarekin, Topoa egiteko lanen amaierarekin eta AVE Espainiako Abiadura Handiko trenaren etorrerarekin.
Esan duenez, etxebizitza izango da erronka handienetako bat, eta "donostiar guztien alkate" izateko eta hiriaren interesaren alde lan egiteko borondatea azpimarratu du, "proposamenak eginez eta adostuz".
Bilbo
Juan Mari Aburto berriro izendatu dute Bilboko alkate hirugarren agintaldi baterako; kasu honetan ere, PSEren babesari esker.
Bere alderdiko 11 zinegotzien (12 berearekin) eta PSEko bosten botoa lortu du Aburtok. Bi alderdiek errepikatuko dute Bizkaiko hiriburuko Gobernu taldearen osaketa, eta sozialistek pisua irabaziko dute, EAJk zuzenduko dituen bost gobernu-arloren ardura hartzean.
Berrautatua izan ondoren, Juan Mari Aburtok adierazi du bere helburua "argia" dela oraindik ere, "ondo zehaztutako ibilbide-orri batekin, garaietara eta unean uneko egoeretara moldatuko dena".
"Hurrengo lau urteetan, berriro ere, hiria gobernatzen jarraituko dut guztiongan pentsatuz, inor baztertu gabe bere ideologia, erlijio, sexu edo arrazagatik. Bilbo guztiona da. Bilbo guztiontzat da", azpimarratu du.
"Bilbo gaztea nahi dut, euskalduna eta poliglota, segurua, garbia, erakargarria, kohesionatua, bertakoaz harro dagoena eta desberdina eta, aldi berean, aberasgarria izan daitekeenari irekia", iragarri du.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.