Alderdi nazionalistek Kongresuko Mahaian ordezkaritza izatea defendatu du Enrique Santiagok (Sumar)
Ostegunean Espainiako Diputatuen Kongresuko Mahaia osatuko da eta alderdi politikoak azken ordura arteko arituko dira negoziatzen. Alderdi nazionalistak Mahaian ordezkaritza izatea defendatu du Enrique Santiago Sumarreko diputatu hautatuak, xehetasunetan sartu gabe. Horren esanetan, gobernu koalizio demokratiko eta aurrerakoia ahalbidetuko duen aniztasun horrek isla izan behar du eta "hor alderdi nazionalistak sartzen dira".
Radio Euskadiri eskainitako elkarrizketa batean Izquierda Unidako Diputatuen Kongresuko bozeramaile ere badenak azaldu duenez, Mahaiko presidentetza PSOEri dagokio "indar progresista eta demokratiko guztien artean ordezkaritza handiena duen alderdia" baita.
Francina Armengol Kongresuko Mahairako hautagai sozialista izan daitekeenaren inguruan galdetuta, Sumarreko diputatuak hautagai ona dela uste du.
Juntsekin zabaldutako negoziazioen harira, Santiagok ukatu egin du balizko amnistia negoziatzen ari direla. Gaineratu duenez, beste gauza bat da behin legegintzaldia abiatzen denean "gatazka politikoak bide politikoetatik bideratzeko aurrerapausoak ematea".
Albiste gehiago politika
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak ostiral honetan aurreratu duenez, "zantzurik, informaziorik edo susmorik txikiena ere" ez dago UCOren txostenean aipatzen diren enpresekin kontratuak daudela pentsatzeko.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.