Bloke aurrerakoiak gehiengoa izango du Kongresuko Mahaian, baina talde nazionalistak kanpoan gelditu dira
Espainiako Kongresuko Mahaia osatu da gaur, eta "gehiengo aurrerakoia" izango du, Francina Armengol presidentea (PSOE) buru duela. PPk bi presidenteorde izango ditu, eta PSOEk eta Sumar koalizioak, bana. Aitzitik, Vox Kongresuko Mahaitik kanpo gelditu da.
PPk lau postu izango ditu (bi presidenteorde eta bi idazkari), PSOEk hiru (presidentea, presidenteorde bat eta idazkari bat) eta Sumarrek bi (presidenteorde bat eta idazkari bat).
Armengol Kongresuko presidente aukeratu ondoren, beste bozketa sekretu bat egin dute, lau presidenteordeak izendatzeko. 350 diputatuetako bakoitzak izen bat idatzi behar izan du, eta lau bozkatuenek eskuratu dituzte postu horiek.
Lehen presidenteordea Alfonso Rodriguez de Celis sozialista izango da, 113 boto eskuratuta, eta bigarren presidenteordea, PPko Antonio Bermudez de Castro, 73 boto jasota. Esther Gil (Sumar) eta Marta Gonzalez (PP) hautagaiek 65na boto eskuratu dituzte, eta berdinketa hausteko egin den bigarren bozketan, lehenengoa nagusitu da. Hortaz, Esther Gil izango da hirugarren presidenteordea, eta Marta Gonzalez, ostera, laugarrena.
Biek ala biek lehendabiziko aldia dute Kongresuan; aitzitik, beste biak beteranoak dira Kongresuan.
Ondoren, lau idazkaritzak aukeratu dituzte. Ezkerrak Isaura Leal sozialista eta Gerardo Pisarello En Comuko diputatua proposatu ditu, eta PPk, Guillermo Mariscal eta Carmen Navarro.
Gerardo Pisarello Sumarreko diputatua izango da lehen idazkaria, eta Isaura Leal sozialista, bigarrena. PPko Guillermo Mariscal eta Carmen Navarro, berriz, hirugarren eta laugarren idazkariak izango dira.
Kongresua eratzeko saioa 10:00etan hasi da, bozketak zuzendu dituen Adineko Mahaia izendatuta. Cristina Narbona diputatu zaharrenak bi legebiltzarkide gazteenak izan ditu laguntzaile idazkari lanetan: Ada Santana kanariarra eta Ferran Verdejo kataluniarra (PSOEkoak biak).
350 diputatu hautatuen izenak irakurri ondoren, botoa ematen hasi dira.
Zure interesekoa izan daiteke
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.