Feijook iragarri du Sanchezi deituko diola bilera bat egiteko eta PSOEk onartu egin du hitzordua
Alberto Nuñez Feijoo PPko buru eta Espainiako Gobernuko presidentegaiak Pedro Sanchez jarduneko presidenteari deituko dio "datozen orduetan" inbestidurari begira bilera bat egin asmoz.
Hala iragarri du gaur eguerdian Borja Semper PPko Kultura eta Gizarte Irekiaren idazkariordeak, alderdiaren Zuzendaritza Batzordearen bileraren ostean egindako prentsaurrekoan.
Semperrek baieztatu egin du indar politikoekin egingo duten bilera-sorta, EH Bildurekin izan ezik; izan ere, horren hitzetan, koalizio abertzalea "ez da beste edozein indarren parekidea, erailtzeak justifikazio politikoa duela uste baitu". Feijooren asmoa talde eta erkidegoetako presidente guztiekin biltzea da.
Politikari 'popularraren' arabera, PPk eta PSOEk "erantzukizuna" dute herritarren agindua errespetatzeko eta "instituzionaltasuna" berreskuratzeko. Semperrek gaineratu du bilera horrek "Espainiako politikan bide berri bat urratzeko" balio beharko lukeela.
Semperren hitzetan bilera horretan Feijook Sanchezi adierazi dio ez dela "zentzuzkoa" presidente izatea, edozer gauza independentisten esku utzita, eta Espainiak aurrera egin dezan beste aukera batzuk "aztertu" behar direla.
PSOEk Feijoorekin biltzea onartu du
Semperren iragarpenaren ostean, PSOEk Alberto Nuñez Feijoo PPko buruzagiarekin biltzea onartu du, Pilar Alegria PSOEko jarduneko bozeramaile eta Hezkuntza ministroak adierazi duenez.
"Deitzen badigute, joango gara, baina lehenenengo deitu egin beharko digute", adierazi du Ferrazen, eta PPri eskatu dio PSOE "iraintzeari" uzteko. Hori bai, Alegriak ez du baieztatu Pedro Sanchez Espainiako Gobernuko jarduneko presidentea izango denik Feijoorekin elkarrizketatuko dena, PPko buruak eskatu bezala, edo alderdiko beste norbait.
Zure interesekoa izan daiteke
PSNk "erabateko errespetua" agertu dio Rodriguez Zapateroren errugabetasun presuntzioari
Esther Iso PSNko Antolakuntza idazkariak adierazi duenez, presidente ohiarekiko "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.