Fiskaltzak frankismoko torturak ikertzea eskatu du lehen aldiz
Lehen aldiz, Fiskaltzak frankismo garaian egindako tortura kasu bat ikertzeko eskaera egin du, Memoria Demokratikoaren Legeari men eginda. Katalunian gertatu da, sindikalista batek torturatu zuten sei agenteen aurka aurkeztutako kereilaren auzian.
Txostenean, Ministerio Publikoak kereila tramitera onartzeko galdea egin du Bartzelonako 18. instrukzio epaitegian. Carlos Vallejo sindikalistak sei polizien kontrako kereila aurkeztu zuen Via Laietana komisarian eman zizkioten tratu txarrak tarteko.
Memoria Demokratikoaren Legea onartu zenetik, lehen aldia da Fiskaltzak Gizateriaren kontrako hilketak eta torturak ikertzea babesten duena.
Ministerio Publikoak argudiatu duenez, lege berriak giza eskubideen urraketa horiek "ikertzeko betebeharra" ezarri zion Estatuari, baita "egia eta biktimen erreparazioa" bermatzea ere.
Bartzelonako fiskalak tramitera onartzea baztertu zuen ekainean
Ekainean, bestelako egoera izan zen kasu honetan. Bartzelonako 18. zenbakiko instrukzio epaitegiko fiskalak kereila tramitera ez onartzea eskatu zuen. Argudiatu zuenez, delituak preskribatuta zeuden eta Amnistiaren Legeak horiek ikertzea galarazten zion. Dena dela, erabakia berrikusteko agindua eman zuen Dolores Delgado Giza Eskubideen eta Memoria Demokratikoaren Salaren fiskalburuak (Justizia ministro izandakoa da Delgado), eta gaurkoan eman du, Bartzelonako Fiskaltzarekin batera, kereila tramitera onartzeko eskaeraren berri.
Aurretik ikertu dira Frankismo garaian izandako giza eskubideen kontrako urraketak: Madrilgo instrukzio epaitegi batek tramitera onartu zuen Segurtasun Zuzendaritza Orokorrean, 1975ean, torturak jasan zituen gizonezko baten kereila. Biktimak duela astebete deklaratu zuen. Dena dela, kasu horretan Fiskaltzak ez du oraindik iritzirik eman.
Zure interesekoa izan daiteke
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Zergatik alda dezake hesi berriak Ceutako mugaren kudeaketa?
Azpiegitura berriak 500 metro ditu, eta berehalako itzulketen inguruko auzi juridiko bati erantzun nahi dio.
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.
Espainiako Gobernuak hesi bat jarri du Ceutan, mugako morruan
Auzitegi Gorenak ebatzi zuen "mugako elementuak" gainditzen dituztenak bakarrik itzul daitezkeela heldu eta berehala. Hesia jarrita baldintza hori bete nahi dute.
Milaka migratzaile Marokora itzuli dira jada, Ceutara masiboki iritsi ondoren
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 57 dira jada. Pedro Sanchezek Espainiaren lurralde-osotasuna urratu dutela salatu du Ceutatik.
Italiak Schengen akordioa eten du Espainiarekin, eta kontrolak ezarri ditu portu eta aireportuetan
Gutxienez hilabetez, kontrolak ezarriko dizkie Espainiatik doazen eta europar jatorria ez duten bidaiariei; Europar Batasuneko gainerako herrialdeetatik doazenek, berriz, ez dituzte kontrol horiek gainditu beharko.