Rebordinos: "Evoleren filma ikusi duten biktima batzuen ustez, min egin dezake, baina ez du ETA zuritzen"
Jose Luis Rebordinos Zinemaldiko zuzendariak nabarmendu duenez, Josu Urrutikoetxea ETAren buruzagi ohiari egindako elkarrizketa oinarri duen No me llame Ternera filmak "askotariko iritziak" sorrarazi ditu pelikula ikusi ahal izan duten terrorismoaren biktimen artean (bihar ikusi ahalko du publiko orokorrak).
"Batzuek uste dute pelikulak biktimak mindu ditzakeela, ETAren baitan erantzukizun postuak izan zituen gizon batek hitz egiten duelako, baina inork ez du uste ETA zuritzen duenik", azaldu du Radio Euskadiren "Boulevard" saioari eskainitako elkarrizketan. Are gehiago, argitu duenez, biktimetako batzuk "esan dute interesgarria litzatekeela ikastetxeetan ematea, gazte jendeak hau zer izan zen jakin dezan".
Arkaitz Rodriguez Sortuko idazkari nagusiak pelikula kritikatu duela eta —"gatazkaren begirada oso partziala" egiten duela esan zuen—, Rebordinosi ez zaio harrigarria egin. "Ziur geunden Sorturen sektoreari ez zitzaiola gustatuko, bere garaian ETA babestu zuelako nolabait". Dena dela, Rodriguezek behintzat ikusi ostean kritikatu duela adierazi du. "Ez du nire kontrako irainik bota, eta ez du pelikula kentzeko eskatu". Ifrentzuan, beste batzuek "sekulakoak eta bi bota dizkigute, eta, filma ikusi barik, bertan behera uzteko eskatu digute", argudiatu du.
Hain justu, dokumentalaren emanaldiak bertan behera uzteko eskatzen zuen gutunaren harira, argitu du orotariko iritziak errespetatzen dituela, baina ez dela onargarria film bat ikusi barik hura kritikatzea. Horren iritzian, "ematen du publikoa tontoa dela. Adinez nagusia den jendeak ikusiko du; terrorista bat ikusteak ez zaitu terrorista bihurtzen".
Azkenik, nabarmendu duenez, sail ofizialean lehiatuko diren 16 pelikuletako hiru emakumeek zuzendu dituzte eta bik zuzendari donostiarra dute. Hain zuzen ere, Isabel Hergueraren (Sultanaren ametsa) eta Jaione Cambordaren (Adarra) filmetan euskara eta galiziera entzuten dira, eta ederra iruditu zaio. "Hizkuntzekin hainbeste polemika dagoen honetan, esan behar dugu normala dela; Espainian herri ezberdinak daude, eta hizkuntza ezberdinak".
Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.