Aizpuruak uste du Sanchezen inbestidura lotzeko negoziazioa "azkarra" izan daitekeela
Mertxe Aizpurua EH Bilduren Kongresuko bozeramaileak uste du Pedro Sanchez PSOEko hautagaiaren inbestidura lotzeko negoziazioa "azkarra" izan daitekeela, "ez garelako hutsetik abiatzen".
Euskadi Irratiko 'Faktoria' saioan egindako elkarrizketan, sozialistekin "lehendabiziko oinarriak" jarri dituztela azaldu du, baina oraingoz dokumenturik ez dutela elkar trukatu argi utzi du. Aizpuruaren esanetan, "kontaktuak etengabe" izan dira, besteak beste, Diputatuen Kongresuko Mahaia osatzeko, baina berez inbestidurarako negoziazioa ez da hasi.
Alberto Nuñez Feijoo PPko buruzagiaren inbestidura eztabaidari dagokionez, Alderdi Popularreko presidentegaia "iraganari iltzatuta" ikusi zuela azpimarratu du EH Bilduko ordezkariak. "Feijoo eta PP ultraeskuinarekin erabat lerrokatuta ikusten ditut", erantsi du.
Aizpuruaren ahotan, osoko bilkura "nahiko bortitza" izan zen atzokoa. Nahiz eta Feijook bere hitzaldiari "ironia puntu" bat sartu ziola onartu, horren atzean "eraso pertsonalak" ezkutatu zituela salatu du EH Bilduko bozeramaileak. "Maila antzua erakutsi zuen", gaineratu du.
Era berean, PPko hautagaiak "txisteen artean, erasoak, irainak eta gezur borobilak" uztartu zituela kritikatu du Aizpuruak, eta hori "onartezina" iruditzen zaio. Zentzu horretan, "ordaina izatea" espero du.
Bestalde, datorren legealdia Estatu mailan eztabaida nazionala "behingoz" zabaltzeko baliatu behar dutela uste du EH Bilduko ordezkariak. Horrela, lurralde auziari heldu behar zaiola adierazi eta "PSOE horren kontziente" dela erantsi du. Hala ere, pausoak "pixkanaka-pixkanaka" eman behar direla ohartarazi du, "gai konplexua delako, erpin askokoa".
Gainera, erabakitzeko eskubidearen inguruan, Espainiako Estatuan "pedagogia demokratiko handia" egin beharra dagoela nabarmendu du Aizpuruak, orain arte "anatema" bat izan delako. Horregatik, Kataluniako indar independentistek erreferendumaren gaia inbestiduraren negoziazioan planteatzea "akatsa ez" dela argi utzi du: "inola ere".
Azkenik, "parez pare irekitzen zaigun aukeran, sekula ez delako honelako testuingururik izan, zuhurtzia eta ardura" eskatu die PSOEri, ERCri, Juntsi eta baita EH Bilduri ere.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.