Unidas Podemos ere, Sumarren Amnistia Lege proposamenetik kanpo
Isa Serra Unidas Podemosen bozeramaileak esan du bere alderdiak ez duela Yolanda Diaz Sumarren buru eta Espainiako Gobernuko presidenteordeak idatzi duen Amnistia Lege proposamenaren berri, eta ez duela parte hartu bere idazketa prozesuan.
Proposamena ofizialki aurkeztu baino egun batzuk lehenago zenbait mediotan argitaratu bada ere, Isa Serrak kazetariei esan die ez duela testuaren berri. Gainera, azpimarratu du ez dagoela UPren agendan.
"Yolanda Diazen proposamena da, ez dugu horren berri, eta Podemosen beste gauza batzuetan gabiltza: eskubide sozialak, eskubide demokratikoak, garraio publikoa merkatzea, alokairuaren prezioari muga jartzea, Mozal Legea indargabetzea… eta feminismoan aurrerapausoak ematen Irene Montero Berdintasun ministroa buru dela", azaldu du.
"Gure proposamenak Sumarri eta PSOEri helarazi dizkiegu, eta erantzunaren zain gaude", gaineratu du, Sumarren talde parlamentarioko elkarrizketetatik harago "Yolanda Diazekin bilerarik ez" dela izan aipatu aurretik.
Zure interesekoa izan daiteke
Gogora Institutuak Falange Espainolaren mehatxuak salatu ditu Ertzaintzaren aurrean
Pradalesek iragarri du 340 milioi euro bideratuko dituela eraikin publikoak eta etxebizitzak klimatizatzeko
PSE pozik agertu da Jaurlaritzak politikan, enpleguan eta etxebizitzan erabilitako politikekin
Pradalesek absentismoari buruzko herri akordioa babestu eta lanbidearteko gutxieneko soldatan "marra gorririk gabe" aurrera egin nahi du
Segurtasun ezaz eta immigrazio irregularraz hitz egin ez izana leporatu dio Voxek Pradalesi
EH Bilduk autogobernuan "lider" izan dadila eskatu dio Pradalesi
Alba Garcia: "Lehendakariak ardura gehiago bere gain hartu beharko lukeela uste dut"
Laura Garridok Pradalesek "enpatia falta" duela eta "autokonplazentzia" darabilela kritikatu du
Diez Antxustegi: "Lehendakaria jendearengandik oso gertu dagoela uste dut"
