Milaka pertsona elkartu dira Bartzelonan amnistiaren aurka, PPren eta Voxen babesean
Milaka pertsona (50.000 Udaltzaingoaren arabera) elkartu dira gaur Bartzelonako erdigunean Societat Civil Catalanak deituta Pedro Sanchezek, inbestidura lortzeko, 2017ko 'proces'eko auzipetuei amnistia ematearen aurka, eta PPko, Voxeko eta Ciudadanoseko buruzagi nagusiek babestuta.
Alberto Nuñez Feijoo PPren buruzagia, Isabel Diaz Ayuso Madrilgo Erkidegoko presidentea, Juanma Moreno Andaluziako presidentea, Fernando Lopez Miras Murtziako presidentea, Jorge Azcon Aragoiko presidentea, Jose Luis Martinez Almeida Madrilgo alkatea, Alejandro Fernandez PPCren presidentea, Santiago Abascal Voxen buruzagia, Adrian Vazquez Ciudadanosen idazkari nagusia eta Carlos Carrizosa Ciudadanosen Kataluniako buruzagia bertaratu dira manifestazioan, besteak beste.
Gracia pasealekuan abiatu da martxa eguerdian, eta Espainiako banderak dira nagusi, bandera erraldoi batekin batera, eta "Ez nire izenean: ez amnistiarik ez autodeterminaziorik" leloa zeraman pankartaren atzean. "Puigdemont espetxera" izan da gehien entzun den aldarrikapena.
Elda Mata Societat Civil Catalanaren presidenteak esan du balizko amnistia "mesede politikoak" lortzeko "aberrazio inkonstituzionala" izango litzatekeela.
Alberto Núñez Feijóo PPren buruak PSOEk manifestazioan ez partehartzea kritikatu du Bartzelonara iritsi denean: "Alderdi Sozialista da falta dena. Negozioa egiten ari da, eta negozioa Gobernuaren Presidentzia da, zazpi boto independentistaren truke, galtzaile izan ostean".
Manifestazioa hasi baino lehenago adierazi duenez, gaurko protesta ekitaldian iritzi desberdineko jendea elkartuko da, baina bat egiten dute gauza batzuetan: "Bai herritarren askatasunari, bai emandako hitzari, bai printzipiodun politikari, bai Konstituzioari, bai Estatutari, eta bai Alderdi Sozialistak bazterrean utzi dituen kataluniar guztiei".
Horren harira, Isabel Diaz Ayuso Madrilgo Erkidegoko presidenteak Sanchezi esan dio inork ezin duela "zazpi botoren truke nazioaren etorkizuna aldatu".
EAEko ordezkari popularra Laura Garrido izan da, PPren idazkari nagusia, eta Pedro Sanchezi "aski da" esatera joan omen da, "agintean jarraitzeko gehiegikeria bat" egin behar duela iritzita.
Santiago Abascal Voxen buruzagiak, berriz, azpimarratu du "nahitaezkoa" zela gaur Bartzelonara joatea "sufritzen ari diren kataluniarrei eta urduri dauden espainiar guztiei babesa ematera".
Abasacalek esan du Sanchezek egin nahi duena Konstituzioaren eta "jende ondraduaren aurkako erasoa" dela.
PPk irailaren 24an Madrilen egin zuen manifestazioaren ondoren iritsi da gaurkoa, 14:00ak aldera Gracia pasealekuak Kale Nagusiarekin bat egiten duen lekuan amaitu dena.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.