Amnistiaren aurkako adierazpena onartu du Botere Judizialak, nahiz eta balizko legeareren edukia ez ezagutu
Botere Judizialaren Kontseilu Nagusiak (BJKN), agintaldia aspaldi agortuta duen erakundeak, amnistia legearen aurkako adierazpen instituzionala onartu du gaur, gehiengo kontserbadoreak hala erabakita, legearen eduki zehatza ezagutu aurretik ere. Hala, BJKNk "zuzenbide-estatua indargabetzeko neurritzat" jo du amnistia, "Konstituzioa bortxatzen" duelako eta Justizia "ameskeria" bihurtzen duelako.
Iturri juridikoek jakitera eman dutenez, zortzi bokal kontserbadorek hala eskatuta Kontseiluak osoko bilkura berezi batean eztabaidatu duen proposamena aurrera atera da, ekimenaren bultzatzaileen botoekin, Wenceslao Olea bokalaren babesarekin, bost kide progresisten ezezkoarekin eta Vicente Guilarte presidentearen abstentzioarekin.
Iturri berdinen arabera, Guilartek bere boto zuriari buruzko azalpen bat idatziko duela jakinarazi die mahaikideei. Azalpen horretan, agerian utziko du ez dagoela ados legegintza-ekimenarekin, baina komenigarritzat jotzen duela lege-proposamena izapidetu arte itxarotea.
Cuesta ez da osoko bilkurara joan
Alvaro Cuesta BJKNko kide progresistak ez du osoko bilkuran parte hartu, amnistiaren inguruko adierazpen instituzionala "legez kanpokoa" dela uste baitu.
Ondorioz, bertaratutako kideen kopurua 15era murriztu denez, zortzi bokal kontserbadoreen botoak nahikoa ziren idatzia onartzeko.
Hasierako testua, aldatuta
Hala ere, kideek adierazpen instituzionalaren hasierako testua aldatu dute. Gorteek ez diote Kontseiluari lege-proposamen bati buruz iritzirik eskatu, oraindik haren edukia zehaztu ez delako, ez baita ekimena erregistratu.
Azken horri dagokionez, Kontseiluaren barruan eta kanpoan egindako kritikei erantzun diete erakundeko kideek. Askoren arabera, Botere Judizialaren Kontseilu Nagusiak lege-proposamena ezagutu arte itxaron behar zuen bere iritzia emateko, baina BJKNko kideek "orain" egiteko "legitimitatea" dutela adierazi dute, amnistia ez denez lege-proiektu gisa aurkeztuko, Estatuko kontsulta-organoek ez dutelako iritzia ematerik izango.
"Ekimena bultzatzen duten alderdiek, jarduneko Gobernuari eusten dioten alderdi berberek, txosten horiek alde batera uztea ahalbidetzen duen tramite parlamentarioaren alde egin dute. Horregatik, zentzugabea da egin ezin den zerbait egin arte itxarotea eskatzea, nahita aukeratu delako hori eragozten duen bidea", dio adierazpen instituzionalak.
Erantsi dutenez, "Kontseilu honek ez ditu eztabaidatzen Gorteetan ordezkaritza duten talde parlamentarioek lege-proposamenak egiteko duten ahalmena; baina, era berean, ezin du onartu herritarren oinarrizko eskubideak eta Konstituzioak Botere Judizialari gordetzen dizkion ahalak hain nabarmenki murrizten dituen ekimenari ekitea".
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.