Istiluak, kargak eta 24 pertsona atxilotuta, amnistiaren akordioaren aurkako protestetan
8.000 bat pertsona bildu dira ostegunean, Polizia eraikina babesten ari zela, PSOEren egoitzaren aurrean, Madrilgo Ferraz kalean, independentistekin egindako itunen eta amnistia legearen aurkako zazpigarren protesta egunean. Liskarrak eta Poliziaren kargak 22:45 aldera hasi dira. Agenteek 24 pertsona atxilotu dituzte desordena publikoak egotzita.
Espainiako eta Europar Batasuneko banderak zeramatzaten manifestariek "puto rojo el que no vote es" (salto egiten ez duena, gorri zikina), "Puigdemont, a prision" (Puigdemont, kartzelara), "prensa española, manipuladora" (Espainiako prentsa, manipulatzailea), "no es una sede, es un puticlub" (ez da egoitza bat, putetxea da) eta "Sanchez, traidor" (Sanchez, traidore) leloak oihukatu dituzte. Gainera, txistuak, lapiko hotsak eta monarkiaren aurkako oihuak ere entzun dira, baita 'Cara al sol' ere.
Manifestazioa egunotako jendetsuena izan da. Lehen orduetan, ez da aparteko ika-mikarik egon, baina, 22:00ak aldera, erradikalak petardoak eta hesiak botatzen hasi dira.
Tentsioa areagotzen joan da, eta 22:45ean hasi dira agenteen kargak. Lehen kargak Marques de Urquijo kalean (PSOEren egoitzatik oso gertu) izan dira, eta ia ordubetez, izan dira liskarrak. Manifestariek edukiontziak erre, eta bide erdian paratu dituzte.
Poliziak 24 pertsona atxilotu ditu. Osasun zerbitzuek ez dute inor artatu behar izan.
Manifestazioan, Santiago Abascal Voxeko buruzagia izan da. Nabarmendu duenez, "kalean egon behar dugu, kolpea geldiarazi arte". Horren hitzetan, "aberrikideak bakarrik egon ez daitezen bertaratu naiz, beste espainiar bat bezala".
Ferrazen egindako elkarretaratzeaz gain, beste manifestazio bat izan da aurretik Europako Parlamentuak Madrilen duen egoitzaren aurrean. 1.500 pertsona batu dira han, eta gerora, PSOEren egoitzako elkarretaratzera batu dira.
Elkarretaratzea, 'Europa, gelditu amnistia' lelopean, Libertad sin Ira, Pie en Pared, S 'ha Acabat!, Neos, Voces Libres, Con la Libertad eta Revuelta plataformek deitu dute, "Espainiaren egoera nazioartera zabaltzeko". "Espainia, bat eta ez 51" edo "traidorea, espetxera" oihukatu dute, besteak beste, Cayetana Alvarez de Toledo eta Alfonso Serrano PPko ordezkariek, txalo artean, parte hartu duten protesta batean.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".