Melgosa: "Indarkeria matxista gizonen eta emakumeen arteko desberdintasunaren adierazlerik larriena da"
Indarkeria matxistaren biktimak artatzeko telefonoan deiak areagotu izana gizarteko sektore desberdinetatik egiten diren "sentsibilizazio- eta ahalduntze-kanpainen" ondorio da, Nerea Melgosa Eusko Jaurlaritzako Berdintasun, Justizia eta Gizarte Politiketako sailburuaren arabera, hain zuzen ere, kontzizentziazioa gero eta handiagoa delako.
Radio Euskadin ostiral honetan, Emakumeen Kontrako Indarkeria Desagerrarazteko Nazioarteko Egunaren bezperan, egin dioten elkarrizketan azaldu duenez, "berdintasun- eta ahalduntze-politikek gutako bakoitzak gertu dugun egoeraren diagnostiko bat egitea ahalbidetzen digute". Adibide gisa jarri du azken egunetan abiatu den sentsibilizazio-kanpaina; emakumeek telefono horretan kontatutako benetako egoerei buruzko bideoak erakutsi dira. "Kanpaina gogorra da, euren burua indarkeriaren biktima gisa identifikatzeko zalantzak izan ditzaketen emakumeek beste emakume batzuen lekuan jarri eta argiago ikus dezaten eurak ere biktima direla".
Azpimarratu du gero eta emakume gehiago animatzen direla bizi duten egoera salatzeko pausoa ematera. "Gizarteak gero eta babes handiagoa ematen die", eta, horrez gain, "egoera horretatik pasa diren emakumeen elkarte asko daude beste emakume batzuei prozesu honetan laguntzen".
Barakaldoko kasua ere izan dute hizpide, biktimen eta biktimarioen arteko tratu-desberdintasunari buruz hitz egiteko; izan ere, kasu horretan, indarkeriaren biktima den emakumeak bizkartzaina darama egunean 24 orduz, biktimarioa libre dagoen bitartean. Melgosak kasu zehatz horretan sartu gabe azaldu duenez, zaintzarena emakumeekin zein epaitegiekin lantzen ari diren gaia da, eta aukerak aztertzen ari dira zaintzaren pisua biktimarioak izan dezan, ez biktimak.
Hala ere, azpimarratu duenez, "garrantzitsuena biktima babestea eta seguru sentiaraztea da, bereziki salaketa jartzeko urratsa eman dutenak zainduz eta babestuz".
Horren arabera, garrantzitsua da emakume guztiek SATEVIren telefonoa (900 840 111) ezagutzea, "bertan emakumeak modu anonimoan artatuko baitituzte espezialista eta profesional handiek".
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".