Javier Esparza, Iruñeko zentsura mozioaz: "Erabaki hau mugarria da"
Cristina Ibarrolaren aurkako zentsura mozioak lurrikara politikoa eragin du Nafarroan, eta UPNko presidenteak gaur nabarmendu duenez, erabaki hori "mugarria da". Javier Esparzaren iritziz, PSNk eta PSOEk EH Bilduren babesa baliatu dute orain arte erakundeetara iristeko —Chivite Nafarroako presidente eta Sanchez Espainiako presidente izateko—, eta orain babes horiek "eskertu" dituzte Joseba Asiron Iruñeko alkate eginez.
Radio Euskadiri eskainitako elkarrizketan, Javier Esparzak UPNko presidenteak gezurra esatea eta boto emaile sozialistei "traizioa" egitea leporatu dio PSNri, Joseba Asiron alkate egitea ahalbideratuko duelako. "Asiron ez zutela alkate egingo esanez aurkeztu ziren udal hauteskundeetara, eta azkenean Joseba Asiron alkate egingo dute", gaineratu du.
Ekainean Iruñeko udalbatza osatu zenean Joseba Asiron alkate ez egitea erabaki zuen PSNk, eta abenduaren 28ko ezohiko osoko bilkuran, aldiz, babestu egingo du. Horri buruz galdetuta, Esparzak uste du EH Bilduko alkatea ekainean aukeratu izan balute Pedro Sanchez ez zela Espainiako Gobernuko presidente izango.
Halaber, atzo egin bezala, EH Bildu alderdi nazi batekin alderatu du Esparzak. Horren ustez, alderdi naziak Alemanian legezkoak balira sozialista alemaniar bakar batek ere ez lioke eskualde bateko hiriburu baten alkatetza emango. "Hemen, terrorismoagatik kondenatutako Arnaldo Otegi buru duen alderdi politikoari ematen zaio", gehitu du.
Azkenik, EAJk Nafarroan eta Euskal Autonomia Erkidegoan ezberdin jokatzen duela nabarmendu du Esparzak, eta esan du EAJk ez liokeela esaterako Donostiako alkatetza emango EH Bilduri. "Nafarroarentzat okerrena eta Euskadirentzat onena nahi dute", gaineratu du.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen. Hazte Oir elkarteak Sortu salatu du, gorroto delitua, sentimendu erlijiosoen aurkako delitua eta terrorismoa goratzea egotzita.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".