Guggenheim-Urdaibairen inguruan jarrera argitzeko eskatu die Guztiontzako Herriak EAJri eta EH Bilduri
Guztiontzako Herriak (GH) uste du "harrigarria" dela Guggenheim-Urdaibai proiektuan "aurrez aurre" dauden EAJ eta EH Bildu indar politikoek "gobernu bat adostu eta martxan jarri ahal izatea". Horregatik, azpimarratu duenez, "garrantzitsua" da biek argitzea "nola gaindituko duten kontraesan hori".
Gernika-Lumoko Udalaren gobernagarritasunaren inguruan sortutako "ziurgabetasuna" hizpide izan du Guztiontzako Herriak ohar batean ; izan ere, EAJ eta EH Bildu Jose Maria Gorroño alkatea ordezkatzeko zentsura-mozio bat aurkezteko aukera aztertzen eta negoziatzen ari dira.
Zentzu horretan, iragan ekainaren 17an EAJrekin itxitako akordioa gogorarazi du Guztiontzako Herriak: "2015ean adostutako dokumentua izan zuen oinarri, eta behin legealdi honetarako akordioa garatuta, Iñaki Gorroñok Jose Maria Gorroño ordezkatu behar zuen Alkatetzan, Xabier Irazabal EAJko bozeramaileak berak udalaren eraketa saioan onartu zuen bezala".
Hala ere, GHk salatu duenez, EAJren udal ordezkariekin hitz egiten hasi zirenean, uztailaren 13an eta 20an, "harriduraz" ikusi zuten "2015eko agiria onartzen ez zutela, eta lehendabizi Jose Maria Gorroñok Alkatetzari uko egitea nahi zutela elkarrizketekin jarraitzeko".
Zentsu-mozioaren aukerari buruz, GHk ohartarazi duenez, legealdi honetan "eskualdeko eredu sozioekonomikoa erabaki behar da, eta egoera horren adibide argiena Guggenheim-Urdaibai proiektuak sortutako polemika da".
Guztiontzako Herriaren hitzetan, "harrigarria da gai horren inguruan aurrez aurre dauden bi alderdi politikoek gobernu proiektu bat adostu ahal izatea, batek eraikuntzan aurreneko pausoak emateko asmoa duenean, eta bestea proiektua aurrera eramatearen aurkako manifestazioetan parte hartzen ari denean".
Gaiaren garrantzia nabarmendu du GHk, "eskualdearen etorkizuneko eredu ekonomikoa zein izango den jokoan dagoelako". Horregatik, talde politikoaren esanetan, "herritarren aurrean EAJk eta EH Bilduk kontraesan hori nola gaindituko duten argitzea garrantzitsua litzateke".
Albiste gehiago politika
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".
Estatutu berria adosteko dei egin die lehendakariak alderdiei, Euskadirentzat "garai zailak" datozela eta
"Orain alderdien garaia da; hitz egin, negoziatu eta adosteko garaia", azpimarratu du lehendakariak. Ildo horretan, iragarri du ekainean berriro alderdiekin bilera erronda egingo duela egindako ibilbidea aztertu, ebaluatu eta ondorengo urratsak aztertzeko. Autogobernuari lotuta, urtea amaitu arteko epea eman dio Pedro Sanchez Espainiako gobernuburuari Gernikako Estatutua osorik betetzeko.
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.
Espainiako Fiskaltzak Israelek Gazan egindako "krimenak" ikertuko ditu
Alvaro Garcia Ortiz Espainiako fiskal nagusiak Zigor Kodearen "urraketa larriak" aipatzen ditu, genozidioa eta gizateriaren aurkako delituak tartean.
Pradales: "Europak autonomia politikoa irabazi eta lidergo etikoa ezarri behar du"
"Europako eredua definitzen duten balioak defendatzearen" alde egin du lehendakariak Politika Orokorreko Osoko Bilkuran. "Orain da momentua. Amaitu da guztiak pozten saiatzeko denbora ", gaineratu du.