Jose Maria Gorroño Gernika-Lumoko Alkatetzatik kentzeko zentsura-mozioaz hizketan ari dira EH Bildu eta EAJ
Gernika-Lumoko EH Bilduk jakinarazi du Udalean zentsura-mozioa aurkezteko proposamena egin diola EAJri.
Azken egunotan EAJtik iradoki dute Jose Maria Gorroño (Guztiontzako Herria) alkatea kargutik kentzeko aukera hori, hauteskundeak irabazi ostean postua uzteko konpromisoari muzin egin diola eta. EH Bilduk esana zuen ez zuela zentsura-moziorik aurkeztuko horretarako bakarrik, eta gobernagarritasuna eta proiektua adostu beharko zirela aukera hori mahai gainean jarri baino lehen.
Larunbatarekin batera, EH Bilduk (udal-hauteskundeetako garailea) jakinarazi du zentsura-mozioa aurkezteko proposamena helarazi diela jeltzaleei. EAJk EITBri baieztatu dio eskaintza jaso duela, baina, erantsi dutenez, oraingoz ez dago akordiorik eta hitz egiten jarraitzen dute.
Koalizioaren arabera, azken hilabeteetan "harremanak ugariagoak eta emankorragoak" izan dira, eta "EAJrekin, gobernagarritasun akordioa sinatzeko puntuan egoteraino" iritsi dira.
"Gernika-Lumoren eta bertako herritarren interesak lehenetsiko dituen akordioaz ari gara", gaineratu du EH Bilduk, "EAJk balizko zentsura-mozioaren parte izateko prestutasuna" agertu izan diela esan aurretik.
Hala, "indar bozkatuena izateak ematen digun arduratik, zentsura-mozioa aurkeztu eta Jose Ramon Bilbao Catalá "Buli" alkate izan dadin proposamena luzatzen dugu", adierazi du koalizio subiranistak.
Bilbaok berak EITBri azaldu dionez, "Gernika-Lumo aurrera eramateko eta beharrezko diren proiektuak egiteko proposamena da, ez da inoren kontrako proposamena". Herri hau aurrera ateratzeko denon indarra beharko da, eta etorkizuna eta egonkortasuna emango dion proposamena da", azpimarratu du.
EH Bilduk 6 zinegotzi ditu Udalean, Gorroñoren Guztiontzako Herriak beste, eta EAJk 5 ditu.
Gorroño Guztiontzako Herria plataformaren eskutik izendatu zuten alkate, udalak osatu ziren egunean bertan EAJrekin egindako akordioari esker. Itun horren arabera, Gorroñok kargua bere anaiaren esku utzi behar zuen hilabete geroago, baina ez du hitza bete. Radio Euskadin azaldu zituen horretarako arrazoiak.
Gorroñok gaur irrati horretan bertan adierazi du "oso lasai" dagoela, "garbi jokatu" duela eta "kontzientzia oso lasai" duela. Gernika-Lumoko alkatearen arabera, EH Bilduk eta EAJk zentsura-mozioa aurkezteko mugimendua "aulkiak banatzeko" baino ez dute egingo, eta harrituta agertu da "antagonikoak" diren udal proiektu sozioekonomikoak dituzten bi indarren arteko itunarekin.
Zure interesekoa izan daiteke
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.