EAJk eta PSE-EEk Bizkaiko aurrekontuak onartu dituzte, oposizioaren zuzenketarik sartu gabe
Bizkaiko Batzar Nagusiek 2024ko aurrekontuak onartu dituzte gaur Foru Gobernua osatzen duten EAJ eta PSE-EE alderdien aldeko botoekin, eta oposizioko alderdien zuzenketarik sartu gabe.
EH Bilduk, PPk eta Elkarrekin Podemos-IUk kontra bozkatu dute, euren osoko zuzenketak eta 388 zuzenketa partzialak errefusatuak izan ostean.
Gaurko bozketarekin, behin betiko onartu dituzte datorren urterako kontuak. 10.308 milioi eurokoa izango da aurrekontua, aurtengoa baino % 5,1 handiagoa, eta departamentuek 1.599,1 milioi izango dituzte erabilgarri, aurten baino % 3,8 gehiago.
EAEko hiru aldundien artean, Bizkaikoa da aurrekontu berriak izango dituen bakarra, Gipuzkoan eta Araban luzatu egingo baitituzte EAJk eta PSE-EEk ez dutelako gehiengo osorik.
Elixabete Etxanobe buru duen Foru Gobernuaren lehenengo aurrekontua izango da, maiatzeko hauteskundeen ostean ahaldun nagusi izendatu eta gero.
Gernikako Batzar Nagusietan egindako osoko bilkuran, oposizioko alderdien bozeramaileek gogor kritikatu dute euren zuzenketarik sartu ez izana, eta "sinestezin" jo dute azken "bederatzi aurrekontuak" oposizioko alderdien ekarpenik gabe onartu izana.
Foru Gobernua osatzen duten alderdiek, berriz, azpimarratu dute aurrekontuak "zuhurrak" eta "bidezkoak" direla, eta Bizkaiko "eraldaketa estrategikoa sustatzen jarraitzea" dutela helburu.
Zure interesekoa izan daiteke
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.