Iruñeko hiruko gobernu berriak lehen bilera egin du, eta aurrekontuak luzatu ditu kontu berriak onartu arte
Iruñeko Udalak, Alkatetzaren ebazpen baten bidez, udal aurrekontuak luzatzea onartu du, abenduaren 31 baino lehen ez baita hirirako aurrekontu berririk aurrera atera.
Horrela, egungo aurrekontua indarrean egongo da Udalbatzak kontu berriak onartu arte. "Luzapen hau beharrezkoa da Udalak ekitaldi berrian zehar ordainketak egiten eta funtzionatzen jarraitu ahal izateko", Udalak jakinarazi duenez.
Iruñeak 2021etik luzatutako aurrekontuak zituen. Azken ekitaldi horretan, Udalbatzak hiriko gastuak eta diru-sarrerak adostea lortu zuen.
Zortzi zinegotzi delegatu eta bi zinegotzi berezi
Bestalde, ostiral honetan jakitera eman dutenez, udal gobernu berriak zortzi zinegotzi delegatu eta bi zinegotzi berezi izango ditu. Hala onartu du Joseba Asiron Iruñeko alkateak, Alkatetzaren dekretu bidez. Bertan, Iruñeko Udaleko kudeaketa arloen ardura EH Bildu, Geroa Bai eta Zurekin indar politikoetako zinegotzien esku utzi du.
Zehazki, Giza Baliabideen, Ogasunaren eta Kontratazio Arduratsuaren arloa ezarri da, eta Garbiñe Bueno (EH Bildu) izango da horren arduraduna. Era berean, Joxe Abaurreak (EH Bildu) Gobernu Estrategikoa, Hirigintza, Etxebizitza eta 2030 Agenda arloa zuzenduko du. Kultura, Jaiak eta Hezkuntza arloa Maider Belokik (EH Bildu) gidatuko du, eta Segurtasuna eta Herritarren Bizikidetza arloa, berriz, Endika Alonsok (EH Bildu).
Bestalde, Borja Izagirrek (EH Bildu) hartuko du Hiri Bizigarri eta Jasangarriaren zinegotzi funtzioa, eta Zaloa Basabek (EH Bildu), Berdintasun, Komunitate Ekintza eta Auzoena. Azken horren menpe egongo da Herritarren Partaidetzarako eta Euskararako zinegotzi berezi bat, Aitziber Campionek (EH Bildu) bere gain hartzen duena.
Koldo Martinez Geroa Baiko Iruñeko Udaleko bozeramailea Ekonomia Sustapen, Berrikuntza, Europako Proiekzio, Garapenerako Lankidetza eta Gazteria arloko buru izango da, eta horren menpe egongo da Berrikuntza, Europako Proiekzioa eta Garapenerako Lankidetza zinegotzi berezia, Mikel Armendariz Geroa Baiko zinegotziak bere gain hartuko duena. Bestalde, Zurekin Talde Mistoko zinegotzi Txema Mauleonek hartuko du Gizarte Ekintzako zinegotzi delegatuaren ardura.
Hala ere, izendapen horiek guztiak urtarrilaren 16ra arte ez dira indarrean sartuko.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.