Langabeziako sorospenaren dekretua bertan behera botako du Podemosek, kontrako botoa berretsi baitu
Podemosek langabeziako sorospena erreformatzen duen dekretua bertan behera utzi du kontrako botoa emanda, baina PSOErekin akordio batera iritsi da babes sozialari buruzkoa babesteko, familia kalteberei hipoteka-etxegabetzeak etetea 2028ra arte luzatzearen truke.
Ione Belarra Podemoseko idazkari nagusiak Senatuan egindako adierazpenetan baieztatu duenez, Espainiako Gobernuarentzat funtsezkoak diren hiru dekretu baliozkotzeko eztabaida izan da asteazken honetan: bi ekonomiko eta Justiziari buruzko bat.
Felix Bolaños Espainiako Gobernuko Presidentetza, Justizia eta Gorteekiko Harremanetarako ministroak talde parlamentarioei zuzendu zaie gaur eta "interes alderdikoiak bazter utzita, pertsonengan" pentsatzeko eskatu die, Espainiako Gobernuak krisialdiari aurre egiteko onartutako hiru errege dekretuen alde bozkatzeko galdeginda. Gogorarazi duenez, horiek atzera botata, Europako funtsen laugarren diru partida, 10.000 milioi euro, galduko dira.
"Bozkatzeko unea heltzen denean, pertsonengan pentsatzeko eskatu nahi dizuet, boto-emaileengan, eta ez zuon interes alderdikoietan, horiek ez baitute zerikusirik herritarren interesekin", nabarmendu du. Bera izan da, hain justu, gaur eztabaidatu eta bozkatzekoak diren neurriak defendatzeko arduraduna.
Bestalde, Yolanda Diaz Espainiako Gobernuko bigarren presidenteorde eta Lan ministroak La Sexta kateari eskaini eskaini dion elkarrizketa batean aitortu duenez, baliteke dekretuak berriz ere aurkeztea, gaur onartzen ez badituzte. Gogora ekarri duenez, aurreko batean ere antzeko zerbait geratu zen, exekutiboak berriro aurkeztu zuen, eta bigarren hartan atera zen aurrera.
Junts eta Podemos, ezezkoan oraindik
Horren harira, Miriam Nogueras JxCatek Kongresuan duen bozeramaileak nabarmendu duenez, dekretuen aurka bozkatuko dute, "zuzentzeko tartea" badagoela adierazi badu ere.
"Kataluniako eskuduntzak errespetatzen dituen errege dekretu bat aurkezten badute, 'bai' bozkatuko dugu. Baliabideak ematen badizkigute, Kataluniari dagozkionak, 'bai' bozkatuko dugu", argitu du Rac1 irrati katean egin dioten elkarrizketan.
Podemosek ere lehengo lepotik du burua. Pablo Fernandez alderdi moreko bozeramaileak sozialisten jarrera kritikatu du. "Hauxe ala ezer ere ez. Ez dute gurekin negoziatu", esan du haserre. Hala, salatu du PSOEk PP bera lehenetsi duela negoziatzeko orduan: "Harrigarria da".
Zure interesekoa izan daiteke
Chivitek bere "zintzotasuna" jarri du "berme" gisa: "Inork ez du nire jardunean deliturik aurkitu, ezta aurkituko ere"
Nafarroako Gobernuko presidenteak agerraldia egin du Nafarroako Parlamentuko ikerketa batzordean, eta azpimarratu du bere gobernuan ez dagoela ustelkeriarik.
Lehendakariak Gernikari, bakeari eta euskarari lotutako hainbat opari eman dizkio Leon XIV.a aita santuari
Eusko Jaurlaritzak oparien balio sinbolikoa nabarmendu du, memoria historikoa, bakearen defentsa eta kultura- eta hizkuntza-aniztasunaren babesa aldarrikatzen baitute.
Geroa Baik akordioa bultzatu nahi du sozialistekin, itunpeko ikastetxeetako ikasgelak ixtea saihestu eta hezkuntza sistema soseguz berrantolatzeko
Unai Hualde, Geroa Bairen Nafarroako Parlamentuko Presidenteak aitortu du tentsio handia sortu duela PSNren eta Geroa Bairen artean, Hezkuntza kontseilariak ikasgelak ixteari buruz egindako iragarpenak, batez ere ikastolak ahulduko dituelako. Geroa Baik ikasgelarik ez ixteko eta hezkuntza sistema soseguz berrantolatzeko denbora eskatu dio alderdi sozialistari. Bihar bozkatuko dute Foru Gobernuan UPNk itunpeko ikastetxeak blindatzeko aurkeztu duen lege proposamena, eta, hori bozkatu beharrik ez izateko, biharko bozketaren aurretik gobernuko taldeen artean akordioa lortzea nahi du Hualdek.
Albiste izango dira: Pradales lehendakariaren eta Leon XIV.a aita santuaren arteko bilera, Trumpen bidaia Txinara eta "Enarak" dokumentalaren estreinaldia ETB1en eta ETBONen
Orain-ek gaur landuko dituen albiste nagusien laburpena.
Pradales lehendakaria Leon XIV.a aita santuarekin bilduko da gaur, Vatikanoan
Imanol Pradales lehendakariak audientzia orokorrean parte hartuko du, Leon XIV.a aita santuak gonbidatuta. Eusko Jaurlaritzaren arabera, balio handiko bilera izango da, eta Euskadik nazioartean duen presentzia instituzionala indartuko du.
Otxandianok euskararen gaian berdinen arteko negoziazioa egin dadila eskatu du, eta Olanok erantzun du prozesuan ados jar daitezkeela
EH Bilduk Enplegu Publikoaren lege proposamenak parekotasunez negoziatzea eskatu dio EAJri. Jeltzaleek, ordea, edukiei dagokionez elkarrengandik oso urrun ikusten ditu bi proposamenak.
Uxue Barkosek ukatu egin du bere agintaldian ustelkeriarik izan zela, eta zirutatu du ez duela Cerdanekin sekula negoziatu
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko ikerketa batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzaren bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.