Pradalesek trantsizio ekologikoa "ondo" egiteko deia egin du, euskal industriaren eskutik
Imanol Pradales EAJren lehendakarigaiak apustu argia egin du Euskadin "trantsizio energetikoa eta ekologikoa" eta deskarbonizazioa jorratzeko, baina "ondo egiteko" deia egin du, egungo euskal industriaren eskutik, "anbizioz eta errealismoz", eta, batez ere, "eguneroko ogia arriskuan jarri gabe". "Jateko gauzekin ez da jolasten. Aberastasuna sortzen ez badugu, miseria banatuko dugu", ohartarazi du.
Eusko Legebiltzarrerako hauteskundeetarako EAJren Bizkaiko hautagaitza aurkezteko ekitaldian parte hartu du Pradalesek, Barakaldoko Los Hermanos parkean. Itxaso Atutxa BBBko presidentea eta Amaia del Campo Barakaldoko alkatea ere izan dira bertan.
Hautagai jeltzaleak "laborategiko" populismoaren diskurtso "arriskutsuekin" kontuz ibiltzeko eskatu du, "guztiak publikoa eta publikoa bakarrik izan behar duela" diotenekin, politika "interbentzionista hutsak" direlako, bere hitzetan. "Adi ekimen pribatua, inbertsioa eta ekintzailetza arbuiatzen dutenekin", ohartarazi du.
Horren aurrean, "inbertsio publiko nahiz pribaturako baldintza egonkorrak" sortzeko beharraz aritu da, "arriskatu ahal izateko, ekiteko, enpresa eta kalitatezko enplegu berriak sortzeko, gure DNA industriala galdu gabe".
"Datorren ekonomia berriak" eskaintzen dituen aukerak probesteko dei egin du, digitalizazioari, adimen artifizialari, trantsizio energetiko eta ekologikoari, nagusien ekonomiari eta ekonomia zirkularrari lotutakoak, "herri honetako enpresa txiki, ertain eta handiak babestuz, autonomoak eta kooperatibak babestuz, eta egunero, Euskadi altxatzeko, euren enpresako pertsiana altxatzen duten lantegi eta negozio guztiak lagunduz".
Halaber, azpimarratu duenez, EAJk "argi" du "ongizatearen Euskadi berri bat" lortzea dela helburua, "Euskadi fidagarri eta globala herri honen etorkizuna aurrera egitea delako, hobera egitea, etsi gabe, lanaren eta ahaleginaren bitartez, ameskeriarik gabe, bete dezakegun hura soilik hitz emanez, beste batzuek gure arazoak konpon ditzaten espero gabe", ziurtatu du.
Horretarako, jeltzaleek "laneko buzoa" berriro jantzi, eta, "kudeaketan dugun eskarmentuarekin", "erronka berriei aurre egingo diegu", esan du. "Prest gaude, EAJko belaunaldi berri hau prest gaude Euskadi hobetzeko. Ez gara konformatzen, ez gara ezer egin gabe geratuko. Euskadigatik aurpegia ematea dagokigu berriro, lan egitea eta arriskatzea", azpimarratu du.
Zure interesekoa izan daiteke
Nafarroako Gobernuak larrialdiko 2. maila ezarri du eklipsea dela eta
Foru Gobernuak Larrialdietarako Aholku Batzordea ere eratu du, eta 1.165 kidek osatutako segurtasun-dispositiboa jarriko du martxan.
Ertzaintzako sindikatuek agenteen aurkako erasoak gaitzetsi dituzte, bitarteko gehiago eskatuz
ErNE, Euspel eta Sipe sindikatuek salatu dutenez, polizia bati eraso egitea ezin da "normal" bihurtu. Hortaz, "babes instituzionala" eta lantaldea indartzea eskatu dute.
Bilboko aireportuak ausazko kontrolak egiten dizkie Italiatik datozen bidaiariei, gorabeherarik gabe
Neurria larunbat honetan aktibatu da, eta irailaren 7ra arte iraungo du, Italiako Gobernuak Espainiatik datozen bidaiarientzako Schengen eremua bertan behera uzteko dekretuari erantzuteko.
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.