Pandemian erositako maskaren kontratuak ikertuko ditu Kongresuak, "Koldo auzian" jasotakoekin hasita
Diputatuen Kongresuko osoko bilkuraren gehiengoak pandemian erositako maskaren kontratuak ikertzeko batzordea sortzea adostu du gaur, PPren abstentzioarekin eta Voxen kontrako botoarekin. "Koldo auzia" ez ezik, Madrilgo erkidegoan eta udalean jazotakoak ere aztertuko dituzte.
PSOEk aurkeztu du ekimena, eta horren alde egin dute 175 diputatuk (PSOE, inbestidurako bazkideak, CC, UPN eta Jose Luis Abalos diputatu ohi sozialista). PPren 136 ordezkariak abstenitu egin dira, eta Voxek 33ek kontra bozkatu dute.
Gai horren inguruan sortutako hirugarren batzordea da (Senatuak eta Balearretako Parlamentuak bana dute). Kasu honetan, Estatuko Administrazioak eta bestelako erakundeek pandemian zehar erositako maskaren kontratuak ikuskatuko dituzte, "egitateak, erantzukizunak, eta irakaspenak" ateratzeko.
"Koldo auzia"z gain, Madrilgo erkidegoak eta Udalak izenpetutako kontratuak ikertuko dituzte, "bi neurgailu erabili gabe, gardentasun osoarekin eta sendotasunez, arduraduna edozein dela ere".
Bozketaren aurretik eztabaida latza izan da, akusazio eta irainez betea. PSOEk Isabel Diaz Ayuso eta horren bikotekideari zabaldutako ikerketa fiskala izan ditu hizpide, gehien bat.
Jose Luis Abalos diputatu sozialista zenak (orain Talde Mistoan) ere batzordearen alde egin du. Nabarmendu duenez, "kasu guztiak ikertzea nahi dut".
PPk abstentziora jo du, "baietza"ren truke Francina Armengol Kongresuko presidente eta Balearretako gobernuburu zenaren dimisioa eskatzen baitzuen. Izan ere, "Koldo auzian" nahastuta dagoela uste dute popularrek. Macarena Montesinos PPk diputatuak esan duenez, "'Koldo auzia' ez da lau lapur sozialisten sarea, Sanchismoan karguren bat izan duten guztiak daude nahastuta".
Euskal taldeei dagokienez, EAJk alde bozkatu du gertatutakoa "guztiz argitzea" nahi dutelako. EH Bilduren esanetan, "aukera bikaina da erakundeen ate eta leihoak parez pare zabaltzeko, eta ikusteko nor aberastu den herritarrentzat bereziki zaila izan zen garaian".
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.