Nafarroako Parlamentuak ez du lortu Cabanillasen gertatutakoaren aurkako adierazpen bat onartzea
Nafarroako Parlamentuko talde politikoak ez dira gai izan adierazpen instituzional bat onartzeko nekazariek Nafarroako Gobernuko presidente Maria Chiviteren aurka Cabanillasen egindako protesta batean izandako istiluen aurka agertzeko.
UPNk, PSNk eta Voxek adierazpen bana aurkeztu dute gai honen inguruan, baina batek ere ez du lortu aurrera ateratzeko beharrezkoa den adostasuna.
Sozialistek aurkeztutako testuan "presidentearen aurkako erasoa" aipatzen da, eta UPN, PP eta Vox ez datoz bat horrekin.
"Poliziaren basakeria" gaitzetsi nahi zuen Voxen adierazpenak, baina ez du talde bakar baten babesik izan, eta UPNren testuak ere ez du aurrera egin, puntu batzuk aldatzeko adostasunik lortu ez dutelako. UPNren kasuan, gainerako taldeek, PPk izan ezik, kontra bozkatu dute.
Testuak gaitzetsi egiten zituen "Cabanillasen izandako istiluak, Maria Chivite Nafarroako Gobernuko presidenteak egindako bisitan lehen sektorearen alde egindako protesta batean gertatutakoak; izan ere, Chiviteren autoa kolpatu zuten, eta hura igarotzea eragozten saiatu ziren", baina presidentearen aurkako erasoa ukatzen zuen.
PSNk "erasoa" aipatu du, eta UPNk, PPk eta Voxek aurka bozkatu dute. Hala ere, talde guztiek, Voxek izan ezik, gaitzetsi egin dute gertatutakoa, UPNk eta PPk presidentearen aurkako erasorik ez dagoela uste badute ere.
Javier Esparza UPNko buruzagiak "indarkeriazko ekintza oro" gaitzetsi du, "beti egin duten bezala, hain zuzen ere, PSNko kideek egiten ez duten erara".
Ramon Alzorriz bozeramaile sozialistak, ostera, nekazarien protestetan gertatzen ari diren indarkeria ekintzen "konplize" izatea leporatu dio UPNri. Alzorrizek erregionalistei egotzi die "gezurra" elikatzen aritzea, "gertakari larrian amai dezakeena".
Laura Aznal EH Bilduko bozeramaileak eta Pablo Azcona Geroa Baikoak "onartezintzat" jo dituzte gertakariak. Aznalek azpimarratu du irudi horiek ez dutela "lehen sektorea ordezkatzen", eta Azconak gogorarazi du Foru Gobernua nekazariekin biltzen eta neurriak proposatzen ari dela.
Javier Garcia PPko bozeramaileak liskarrak gaitzetsi ditu. "Zehaztu dugu Guardia Zibilak ere lan handia egin zuela. Argi dago Nafarroako Gobernuarekin dagoen haserre handia", azpimarratu duenez.
Vox eskuin muturreko alderdiaren hitzetan, "'grisak' gogorarazten dituen basakeria egon zen", baina eskuin mutureko alderdia bere gaitzespenean bakarrik geratu da.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.