Osakidetza izan zen hautagaien eztabaidan gehien aipatutako gaia
Eusko Legebiltzarrerako hauteskundeetarako hautagaien arteko atzoko EITBeko eztabaidak utzi ditu zenbait datu aipagarri. Kanpainaurrean eta kanpainan bezala, Osakidetza, autogobernua edota balizko itunak izan ziren mahai gainera atera ziren gai nagusiak, baina atalez atal aztertuta, pisu ezberdina izan zuten saio osoan.
Hala, aipamen kopurua neurtzen hasita, osasun zerbitzu publikoa ageri da zerrendan lehendabizikoa. Hautagai guztiek aipatu zuten Osakidetza euren hitzartzeetan. Adibiderako, zenbaki batzuk: zerbitzu publikoen blokeari hasiera emateko bakoitzari zegokion 30 segundoko tartean denen ahotan egon zen; Pello Otxandiano EH Bilduko hautagaiak 6 aldiz aipatu zuen. Andeka Larrea Sumarreko ordezkariak ere, gutxienez, 15 aldiz erabili zuen Osakidetza hitza eztabaida osoan zehar, eta gainerakoek, dozena bat aldiz, bai behintzat.
Osasun sistemaren ondoren, autogobernua eta hauteskunde ondorengo balizko itunak izan ziren gehien aipatu zirenak, eta baita, giroa gehien berotu zutenak ere, aurrez aurreko biziak eraginez. Nolanahi ere, oro har, tentsio une handirik gabeko eztabaida izan zen.
Zentzu horretan, Eneko Andueza PSE-EEko hautagaia izan zen gainerakoei hitza gehien kendu ziena. Denei eten zien behin baino gehiagotan jarduna, EAJko Imanol Pradalesi izan ezik. Bestalde, batak besteari egindako interpelazioak kontuan hartuta, Laura Garrido popularra izan zen galdera gehien egin zituena, ia denak ordezkari jeltzaleari, hauteskunde ondorengo itunei buruz azalpen eske.
Gutxien aipatutakoen artean, segurtasunaren gaia dago. PPk eta PSE-EEk 2 aldiz atera zuten gaia, EAJk behin, eta gainerako hiru taldeek bakar baten ere ez.
Deigarria den beste datu bat: parte-hartzeari ia aipamenik ez zioten egin hautagaiek. Amaierako urrezko minutua deritzon tartean, ohi bezala, botoa eskatu zuten, baina handik kanpo inork ez zuen mobilizaziorako deirik egin.
Azkenik, irudiari dagokionez, denek antzeko koloreak aukeratu zituzten; lau gizonezkoek alkandora zuria eraman zuten soinean, eta emakumeek ere, jaka zuria.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.