Sanchezek defizit demokratikoa dagoela esatea txalotu du Aizpuruak, baina "neurriak" eskatu dizkio
Mertxe Aizpurua EH Bilduren Diputatuen Kongresuko bozeramaileak txalotu egin du Pedro Sanchezek, lehen aldiz, Espainiako Estatuan defizit demokratikoa dagoela esatea, baina hitzetatik harago, ekintzak eskatu dizkio epe motzean. Horren esanetan, demokrazia falta bat dagoela esatea "ondo dago, orain neurriak jartzea tokatzen da".
Sanchezek Espainiako Gobernuko presidente karguan jarraitzea erabaki ondoren, Aizpuruak denbora eman nahi dio gobernuburuari eraberritze demokratikoa gauzatzeko neurriak zehazteko. Hala ere, "laster" zehaztapenen bat izatea espero du, osterantzean, uste baitu egia izango dela dena estrategia bat izan dela.
Euskadi Irratiko "Faktoria" saioan egin dioten elkarrizketan, defizit demokratikoaren hainbat adibide jarri ditu Aizpuruak, Botere Judizialaren Kontseilu Nagusiaren blokeoari dagokionez, uste du lege aldaketa bat egitea eta gehiengoak aldatzea dela Botere Judizialaren gobernu organoa berritzeko modu bakarra. Sasi-hedabideen jardunari buruz galdetuta, adierazpen askatasuna bermatu behar dela azpimarratu du EH Bilduko ordezkariak, baina beti ere argi utzita gezurrak argitaratzea eta iraintzea ezin dela doakoa izan. Ildo horretan, Europan ez bezala, ultraeskuina Estatuko egituretan sartuta dagoela argi utzi nahi izan du.
Europako hauteskundeak pasa eta uda igaro arte Kongresuan osoko bilkura gutxi egongo direla baliatuta, datozen asteak eraberritze demokratikoan aurrera egiteko baliatzea espero du Aizpuruak.
Amaitzeko, autogobernua berritzeko momentua "orain" dela nabarmendu du Aizpuruak, eta Madrilera joan aurretik EAEn eta Nafarroan akordio "sendoak" lortzea defendatu du. Horren iritziz, ezin da jakin bi urte barru zein izango den egoera Madrilen: "Momentuak aprobetxatu egin behar dira eta arduragabekeria handia litzateke aukera horiek ihes egiten uztea".
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.