Eusko Legebiltzarra osatzeko osoko bilkura maiatzaren 14an egin liteke
Maiatzaren 14an egin liteke Eusko Legebiltzarra eratzeko osoko bilkura. Legebiltzarreko Mahaia osatuko litzateke egun horretan, eta hurrengo astean helduko litzaieke bateraezintasunei. Ekainaren erdialdera ospatuko litzateke lehendakaria izendatzeko saioa, ekainaren 9ko Europako hauteskundeen ostean.
Horiek dira XIII. legegintzaldiari hasiera emateko aurreikusten diren datak, baina ez dira behin-betikoak izango Legebiltzarreko presidenteak hala baieztatu arte. Bakartxo Tejeria izango da berriro ere, Mahaiko presidentea.
Akreditazioak aurkeztea
Joan den apirilaren 21eko hauteskundeetan aukeratuak izan ziren ordezkari politikoak ostiral honetan hasi dira euren akreditazioak aurkezten. Talde Mistoa partekatuko duten Sumarreko ordezkari Jon Hernandez, eta Voxeko Amaia Martinez izan dira euren agiriak aurkezten lehenak.
Hala ere, Legebiltzarra eratzeko atzera kontaketa datorren astelehenean hasiko da, jeltzaleen akreditazioarekin, izan ere beharrezkoa da legebiltzarkideen heren batek (25) akreditazioak aurkeztea egutegi hori martxan jartzeko. Egun horretatik aurrera, Eusko Legebiltzarreko Diputazio Iraunkorreko Presidenteak bilkura eratzailea deituko du 15 egunen buruan.
Maiatzak 6: Akreditazioa aurkeztuko dute EAJko 27 parlamentariek, tartean Imanol Pradales, itxuren arabera hurrengo lehendakari izango dena.
Maiatzak 7: Ziurrenik XIII. legegintzaldirako EAJrekin koalizioko bazkide izango den PSE-EEko 12 parlamentariek euren agiriak aurkeztuko dituzte.
Maiatzak 8: Alderdi Popularreko zazpi legebiltzarkideek aurkeztuko entregatuko dituzte ziurtagiriak.
Maiatzak 13: EH Bilduko 27 legebiltzarkideak izango dira akreditazioak aurkezten azkenak.
Saio eratzailea eta inbestidura saioa
Legebiltzarra maiatzaren 24a baino lehen era dadin nahi dute alderdiek, egun horretan hasiko baita ekainaren 9an ospatuko diren Europako hauteskundeetarako kanpaina.
Joan den astelehenean abiatu ziren EAJ eta PSE-EEren negoziazioen lehen fase batean eztabaidatuko da Legebiltzarreko Mahaiaren osaera. Ordezkariak oraindik zehazteke dauden arren, jakina da Bakartxo Tejeria izango da presidentea. Fase honetan egingo da, halaber, bateraezintasunen osoko bilkura.
Ondoren helduko diote programa-akordioari eta Jaurlaritzaren osaerari, Imanol Pradales buru dela. Bigarren fase hau, ordea, Europako Parlamenturako ekainaren 9ko hauteskundeen ostean hasiko da.
Lehendakariaren inbestidura saioa ekainaren erdialdera ospatzea aurreikusten da eta momentuz Imanol Pradales da baieztatuta dagoen hautagai bakarra. EH Bilduk ez du argitu Pello Otxandiano aurkeztuko ote duen lehendakari izateko. Azken bi legegintzaldietan Maddalen Iriarte aurkeztu zuen koalizioak inbestidura saiorako, hautatua izateko aukerarik ez bazuen ere.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.