PSOE bakarrik geratu da, eta Kongresuak ez du proxenetismoaren aurkako legea onartu
Diputatuen Kongresuak uko egin dio proxenetismoaren aurkako lege-proposamena izapidetzeari. PSOE bakarrik geratu da gaurko bozketan, eta bere ekimen abolizionistak ez du babesik jaso, ez Sumarrek, ez Kongresuko aliatuek, ez Alderdi Popularrak, ez dute aldeko botorik eman.
Espainiako Gobernuaren zazpigarren porrota da Ganberako Osoko Bilkuran, Pedro Sanchezen inbestiduraz geroztik, eta PSOEk berak bultzatutako ekimen batek jasaten duen lehena.
Aurreko legealdian ekimen bera babestu zuen PPk aldatu egin du botoaren zentzua, lege-proposamenak zatiketa eragiten duela eta talde sozialista "hauteskunde helburuekin feminismoaren erabilera ezduina eta gehiegikeria" egiten ari dela iritzita.
PPk, Sumarrek, ERCk, Juntsek, EAJk eta EH Bilduk kontra bozkatu dute; Podemos eta Vox abstenitu egin dira, eta PSOErekin batera Coalicion Canariak, BNGk, UPNk eta Jose Luis Abalosek baino ez dute baiezko botoa eman. 184 aurkako boto izan dira, aldeko 122 eta 36 abstentzio.
Proposamenaren babes falta nabarmenaren aurrean, PPk PSOEri proposatu zion atzera egitea, Genero Indarkeriaren aurkako Estatu Itunaren Batzordean lege integral bat negoziatzeko. Ana Redondo Berdintasun ministroak baztertu egin zuen aukera hori. Azkenean, PPk ez du araua babestu, eta ekimena bertan behera geratu da.
PSOEk Zigor Kodea aldatu nahi zuen testu horren bidez, proxenetismoaren aurkako zigorra gogortzeko, sexuaren trukeko ordainketa zigortzeko eta, etxebizitza edo edozein toki beste pertsona bat prostituzioan aritzeko erabiltzeagatik, haren baimenarekin bada ere, zigorra ezartzea.
Berdintasun ministroak salatu duenez, "talde politiko guztiak erretratatu dira gaur Kongresuan", eta ohartarazi du bere alderdiak lanean jarraituko duela "prostituzioa eta proxenetismoaren negozio handia indargabetzeko": "Sozialistak gara emakumeen eskubideen, duintasunaren eta askatasunaren defentsan irmo mantendu garen bakarrak", azpimarratu du.
Indar politiko batzuek (PP, ERC, Suma eta EAJ), aldiz, helburu elektoralistekin ekimena berpiztu izana leporatu diete sozialistei, eta beste batzuek (EH Bildu, Podemos, Junts, ERC) salatu dute prostituzio egoeran dauden emakumeak kriminalizatuko lituzkeela eta klandestinitatera eta zaurgarritasun handiagora bultzatuko lituzkeela.
Era berean, eskuinak zein ezkerrak kritikatu egin du ekimenak emakumeak babesteko mekanismorik ez jasotzea, prostituziotik ateratzeko alternatibak eman ahal izateko.
Elkarretaratzea Kongresuaren aurrean
Prostituzioan ari diren 30 emakume inguruk elkarretaratzea egin dute Diputatuen Kongresuaren aurrean, PSOEren lege-proposamena "kriminalizatzailea" dela eta kolektibo hori ikusezintasunera, prekarietatera eta klandestinitatera eramango duela salatzeko.
Stop Abolizioa Plataformak antolatuta, elkarretaratzearen helburua "aboliziorik eza aldarrikatzea" zen, "ez delako onuragarria izango" bere burua "sexu-langiletzat" dutenentzat, Susana Pastor bozeramaileak komunikabideei adierazi dienez.
Pastorren hitzetan, abolizioa Suedia eta Frantzia bezalako herrialdeetan "porrota" eta "zoritxarra" izan da, eta ez da irtenbidea, "zigortzea besterik ez duelako egiten": "Pertsona horiek eskubideak behar dituzte", erantsi du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.