Fiskaltzak bost urte eta zazpi hilabeteko zigorrak eskatu ditu sei lagunentzat, ongietorriak antolatzeagatik
Espainiako Auzitegi Nazionaleko Fiskaltzak bost urte eta zazpi hilabeteko espetxe zigorrak eskatu ditu sei euskal herritarrentzat, erakunde kriminaleko kide izatea eta terrorismoa goratzeko delitu jarraitua egitea leporatuta, ETAkoak izandako presoei ongietorriak antolatzeagatik 2016 eta 2020 artean.
Carlos Garcia Berro fiskalak, ostegunean argitaratutako dokumentu batean jasotzen duenez, Sortuko Oihana Garmendia, Haimar Altuna eta Oihana San Vicente, eta ETAko kide izandako Kai Saez de Egilaz, Antton Lopez Ruiz eta Felipe San Epifanio herritarren kontrako ahozko epaiketa zabaltzeko eskatu du, aipatu delitu horiek egin izanagatik.
Espetxe zigorrez gain, Fiskaltzak omenaldi horiek antolatzeko erabilitako gailuak konfiskatzea eskatu du, bai eta 2021ean behin-behinean itxitako KaleraInfo kazeta eta kalerakalera.eus webgunea behin betiko ixtea ere, ustezko delitu horiek egiteko erabili izango ziren Facebookeko zazpi profil, Twitterreko bost eta Youtubeko lau kanal ixtearekin batera.
2020ko urtarrilean atxilotu zituen Guardia Zibilak Oihana San Vicente, Haimar Altuna, Antton Lopez 'Kubati' eta Oihana Garmendia, Auzitegi Nazionalak agindutako operazio batean. San Vicente eta Altuna Sorturen Arabako eta Gipuzkoako arduradun politikoak ziren atxilotu zituztenean, eta Garmendia eta Lopez, Kalera Kalerako kideak. Egunean bertan utzi zituzten behin-behinean aske.
Urte bereko martxoan deklaratu zuten Auzitegi Nazionalean eta ukatu egin zuten ETAko presoei, espetxetik ateratzean egindako harrera ekitaldien atzean egitura edo antolakuntzarik egotea eta, azpimarratu, preso jakin batzuekin zuten harremanagatik hartu izan zutela parte ekitaldietan.
Aurtengo urtarrilean, abiada hartu zuen atzera auziak, Manuel Garcia Castellon Auzitegi Nazionaleko epaileak ETAko presoei buruzko "jarraibideak" lituzketen Sorturen txatak ikertzen ari zela iragarri zuenean, baina txaten kontua hau onetsi ez eta instrukzio fasea ixtera behartu zuen, Fiskaltzak Garcia Castellon.
Gauzak horrela, apirilean, aipatutako sei lagunen kontrako epaiketa eskatu zuen Garcia Castellonek eta, horren ondotik dator Fiskaltzaren eskaera.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.