"Hauteskunde guztietan erreferentziazko alderdia da PSE, irabazteko eta eragiteko gai dena", dio Anduezak
PSE-EEk uste du igande honetan izan diren Europako hauteskundeek argi eta garbi erakutsi dutela alderdia "goraka" doala eta "hauteskunde hitzordu guztietan erreferentziazko alderdia" dela, "irabazteko eta eragiteko gai den alderdia", alegia.
Astelehenean arratsaldean bildu dute euskal sozialistek euren Batzorde Exekutiboa eta ondorio horretara iritsi dira azken hiru hauteskundeen emaitzak ikusita: 2023ko uztailaren 23ko Espainiako Hauteskunde Orokorretakoak, 2024ko EAEko hauteskundeetakoak (bi eserleku gehiago lortu zituzten Legebiltzerrean, 12ra iritsiz) eta atzoko Europako Parlamenturakoak. Bigarren alderdi bozkatuena izan dira EAEn, EAJren aurretik geratuz eta soilik 3.000 botora gaueko irabazle izan zen EH Bildurengandik.
Eneko Andueza idazkari nagusiak bere poza helarazi die batzordekideei, Europako hauteskundeetan izandako "emaitza bikainengatik", bart ere adierazi bezala. "Gure burua zoriontzeko unea da, gai izan garelako herritarrei erreferentziazko alderdia garela helarazteko, irabazteko gai garelako batzuetan, eragile izateko gai beste batzuetan eta garaipenetik oso gertu geratzeko gai beste batzuetan, igande honetan gertatu bezala", esan du.
Andueza oso gustura agertu da alkatetza duten udaletan izan dituzten emaitzengatik (Portugalete, Ermua, Trapagaran, Muskiz, Irun, Lasarte-Oria, Eibar, Zumarraga, Gasteiz, Zambrana eta Iruña Oka), beraiek izan baitira bozkatuenak; baita beste batzuetan ere: Bilbo, Donostia, Barakaldo, Sestao, Santurtzi, Oion eta Elciego, esate baterako. Errenterian eta Andoainen lehen postutik oso gertu geratu dira.
Bestalde, bereziki nabarmendu nahi izan du Araban, Bizkaian eta EAEko hiru hiriburuetan irabazi izana.
Azkenik, jakina zen bezala, PSE-EEko Exekutiboak Alfonso Gil Invernon proposatu du senadore autonomiko izateko. Egun, Talde Sozialistaren idazkari nagusia da Senatuan.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.