Epaileen izendapenetan Gobernuaren eragina saihesteko deia egin du Botere Judizialaren presidenteak
Vicente Guilarte Botere Judizialaren Kontseilu Nagusiko (BJKN) jarduneko presidentea pozik agertu da Pedro Sanchezek goi Justiziaren alorreko kargudunak hautatzeko eredua aldatu nahi duela adierazi duelako, baina ohartarazi du ez dela "inolaz ere onargarria" izango prozesu horretan "Gobernuaren edozein eragin-eremu bultzatzea".
Sanchezek asteazkenean, ekainak 12, egindako elkarrizketa batean iragarri zuenez, PPk BJKNren berritzea blokeatzen jarraitzen badu, epaileen gobernu organoan, Auzitegi Gorenean eta Justizia Auzitegi Nagusietan izendapenak egiteko duen ahalmena aldatuko du erreforma parlamentario baten bidez.
Adierazpen horiei erantzunez, Guilartek ongietorria eman dio Sanchezi, arazoa goi-kargudun judizialak hautatzeko formulan datzala uste dutenen eta merezimendu- eta gaitasun-printzipioen arabera egitea beharrezkoa dela uste dutenen "zirkulura".
Hain zuzen ere, ostegun honetan, igorri die Guilartek Kongresuko eta Senatuko presidenteei Auzitegi Goreneko magistratuak, Botere Judizialaren gobernu-karguak eta epaileen gobernu-organoko kideak izendatzeko sistema aldatzeko bere proposamen "eguneratua".
Bere ustez, Auzitegi Goreneko magistratuen izendapenek "Botere Judizialaren Kontseilu Nagusiaren baitan egin behar dira, logika konstituzionalak hala agintzen duelako". Era berean, defendatzen du "ez duela inolako zentzurik iraganeko garaietara itzultzeak, protagonista ezberdinekin bada ere", Justizia Ministerioa izendapenen ardura zegoen garaiari erreferentzia eginez.
Gaineratu duenez, "ez da inolaz ere onargarria Gobernuaren edozein eragin-eremu bultzatzea" prozesu hauetan "dela zuzenean, dela bitarteko erakunde edo batzordearen bidez ezkutatuta".
PPren erantzuna
Bestalde, Miguel Tellado Diputatuen Kongresuko popularren bozeramaile parlamentarioak ohartarazi du Europako Batzordearen "bitartekaritza" baldin badago bakarrik bilduko dela PSOErekin gai honi buruz eztabaidatzeko, Pedro Sanchez "ez delako fidatzekoa".
Halaber, argitu du Vera Jourová Europako Batzordeko presidenteordeari "hiruko" bilera bat eskatu diotela, Gobernuko presidentearen "ultimatuma eta xantaia" dela-eta. Hala ere, oraingoz erantzunik ez dutela jaso gaineratu du.
Gainera, Telladok azpimarratu duenez, "denborak ez ditu Sanchezek markatuko, nahiz eta etsita egon".
Zure interesekoa izan daiteke
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman behar ditu gardentasunez"
Euskal Telebistari elkarrizketa eman dio Lehendariak agintaldiaren erdira iritsi denean. Ajuria Eneako lorategian herritarren kezka nagusia den etxebizitza, osasun sistema, Ertzaintzaren eredua, Espainiako politika eta ekonomia izan ditu hizpide.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.
Zapaterok bitxiengatik ere deklaratuko du asteazken honetan, Calama epaileak atzeratzea ukatu ostean
Espainiako gobernuburu ohiaren defentsak atzerapena eskatu zion Calama epaileari, gutxienez 1,3 milioi euroko balioa duten bitxien jatorriari buruzko dokumentazioa biltzeko denbora gehiago edukitzeko. Ferrazko bere bulegoan aurkitutako bitxiengatik kontrabando eta zerga delituak leporatu dizkio.
Imanol Pradales lehendakariari elkarrizketa, gaur gauean, ETB1en
Elkarrizketa Orain eta ETB On plataformetan ere jarraitu ahal izango da, 20:30etik aurrera.
Albiste izango dira: Imanol Pradales lehendakariari elkarrizketa ETBn, AEB eta Iranen arteko bake akordioa eta medikuen greba
Gaurkoan Orain-en albiste izango direnen laburpena, bi hitzetan.
Begoña Gomezen agerraldiaren ondoren, Peinado epaileak hiru egun ditu orain ahozko epaiketa hasi ala ez erabakitzeko
Defentsak eta Fiskaltzak auzia artxibatzeko eskatu dute, eta Hazte Oir erakundeak koordinatzen dituen herri-akusazioek kautelazko hainbat neurri eskatu dituzte, pasaportea kentzea, adibidez.
Imanol Pradales lehendakariari elkarrizketa
Euskal herritarren % 23,3 independentziaren alde daude, eta % 69,9 erabakitzeko eskubidearen alde, Naziometroaren arabera
Euskal estatuari emandako babesa % 41,1ekoa da, eta inkestatutako gizon-emakumeen % 27,7 aurka daude.