"Espainiarekiko hausturak kalte egiten die autonomia erkidegoei", De Andresen esanetan
Euskadiko Alderdi Popularrak urte politikoa abiatzeko ekitaldia egin du larunbat honetan Bilbon, alderdiko gazteekin batera eta Alejandro Fernandez Kataluniako PPko presidentea, gonbidatu gisa, bertan zegoela.
Javier De Andres Euskadiko popularren presidentearen hitzetan, "nazionalismoa eta autogobernua ez dira ongizatearen sinonimoak". Izan ere, horren ustez, Euskal Autonomia Erkidegoa "gero eta okerrago dago, adibidez, osasun eta etxebizitza alorretan, eta gazteek oso zail dute etxetik joateko".
De Andresek salatu duenez, EAJk 40 urte daramatza "autogobernu handiagoa ongizate handiagoa dela esanez", baina arazoak ikusita "frogatuta geratu da ez dela Estatutuaren eta autogobernuaren errua, oso gaizki kudeatu dutenena baizik", esan du.
De Andresen iritzian, "ez da kasualitatea" Euskadiko eta Kataluniako gobernuen kudeaketa txarra. "CiU, ERC, Junts eta EAJko nazionalistek Espainiako gainerako herrialdeekin duten hausturagatik eta bereizketagatik" gertatzen da hori, horren esanetan. "Nazionalistek badakite Espainiatik banantzea kaltegarria dela euren erkidegoentzat, merkatua, talentua eta inbertsioak galtzen dituztelako, baina aurrera jarraitzen dute eraikuntza nazionala lehenetsiz", argudiatu du.
Ildo berean hitz egin du Alejandro Fernandez Kataluniako PPko presidenteak ere. "Nazionalismoa erabat ankerra da moralari eta etikari dagokienez, herritar onak eta txarrak bereizten dituelako eta nortasunaren araberako pribilegioak sortzen dituelako", baina "kudeaketan ere porrot" egin dutela gaineratu du.
"Negargarri gobernatzen dute, Euskadikoa eta Kataluniakoa bezalako gizarte oparoak dekadente bihurtu dituzte. Ez Katalunia ez Euskadi ez dira jada liderrak, PPk gobernatzen dituen beste erkidego batzuk ekonomiaren edo hezkuntzaren buru diren bitartean", adierazi du.
Kataluniako popularren buruak, azkenik, PPk azken hauteskundeetan bai Euskadin bai Katalunian izan duen gorakada nabarmen du, eta hori albiste ona dela esan du.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.