Rodriguezek agerraldia egingo du Kongresuan, protestek merkatuan esku-hartze handiagoa eskatu ondoren
Isabel Rodriguez Etxebizitza ministroak agerraldia egingo du gaur Kongresuan, kudeaketaren berri emateko. Ezkerreko alderdiek eta kalean egindako protesta jendetsuek Espainiako Gobernuari alokairuen prezioa jaitsi dadin esku-hartze handiagoa eskatu diote.
Iñigo Errejon Sumarren bozeramaileak PSOEri ohartarazi dio etxebizitza politika legealdiko "bidegurutzea" izan daitekeela, eta Rodriguezi eskatu dio Ganberan "proposamenak" aurkezteko, eta ez "aitzakiak".
Azken asteetan, 20.000 pertsonak baino gehiagok manifestazioa egin dute Madrilen, 15.000k Valentzian eta 10.000k Kanaria Uharteetan, etxebizitzarako eskubidearen alde eta turistifikazioaren aurka, eta protesta gehiago deitu dituzte Malagan, Sevillan eta Bartzelonan.
Podemosek ere presioa areagotu du, eta barne kontsulta bat jarri du martxan militanteei galdetzeko 2025eko aurrekontu orokorren babesa baldintzatu behar ote duten, besteak beste, alokairuaren prezioak jaisteak edo muga jartzeak.
"Ezer ez egitea" leporatzen dioten bazkide parlamentarioen aurrean, Rodriguez buru-belarri saiatuko da legegintzaldian zehar aurrera eramango dituen neurrien "zerrenda zabala" azaltzen.
Hala adierazi zuen ministroak berak 30 bat gizarte-eragilerekin eta etxebizitzaren sektoreko ordezkariekin atzo egindako bileraren ostean. Bilera horretan Pedro Sanchez Espainiako Gobernuko presidenteak ere parte hartu zuen, Moncloan.
Sozialistek azpimarratu dute etxebizitzaren arazoa "lehentasuna" dela Espainiako Gobernuarentzat, eta merkatuan esku hartzeko ezinbestekoa dela eskaintzari eta eskariari aurre egiteko neurriak bateratzea.
Patxi Lopez Kongresuko bozeramaile sozialistak hitza hartuko du gaur Kongresuan. Atzo esan zuen argi utzi nahi dutela PSOEren eta PPren etxebizitza politikaren arteko aldea. Lopezen hitzetan, Alderdi Popularra espekulatzaileen eta "funts putreen" alde dago.
Zure interesekoa izan daiteke
Estatuari Martxoak 3ko sarraskiaren erantzukizuna eskatzeak berriro aurrez aurre jarri ditu EAJ eta PSE-EE
EAJk eta EH Bilduk Espainiako Gobernuari eskatu diote aitor dezala Martxoak 3ko sarraskian izan zuen erantzukizun zuzena, eta aitortza horrekin maila goreneko adierazpen ofiziala egin dezala. PSE-EE ez dator bat eskari horrekin.
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Urteko lehen osoko bilkura hartu du Espainiako Diputatuen Kongresuak, eta Pedro Sanchez Espainiako Gobernuko presidenteak agerraldia egin du, berak hala eskatuta, trenbide-istripuei buruzko azalpenak emateko.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua, Iruñean.