Sanchezek bere gobernuak Valentziako hondamendiaren inguruan egindako kudeaketa defendatu du
Espainiako Gobernuak Valentziako hondamendiaren inguruan egindako kudeaketa defendatu du Pedro Sanchez presidenteak, eta, aitzitik, zenbait agintarik egoerak eskatzen zuen mailan aritu ez zirela, eta, hortaz, beren "errua" onartu beharko dutela azpimarratu du.
Goialdeko borraskak bereziki Valentzian eragindako larrialdiaren kudeaketaren berri emateko Diputatuen Kongresuan egin duen agerraldian, Sanchezek esan du ez datorrela bat Carlos Mazon Valentziako Generalitateko presidentearekin. Espainiako Gobernuburuaren arabera, ez da sistema autonomikoa huts egin duena, baina bai bertako kide batzuek. "Batez ere posizio oso altuetan dauden pertsona batzuk ez dira beren mailan egon, ez dute beren erantzukizuna ulertu edo, besterik gabe, muzin egin diote erantzukizunari", gaineratu du.
Gainera, erantzukizunak argitzeko Diputatuen Kongresuan ikerketa batzorde bat osatzearen alde agertu da, baina hori aurrerago egin behar dela uste du. Azaldu duenez, orain premiazkoena desagertutako pertsonak bilatzea, azpiegiturak berreskuratzea eta kaltetutako eraikinak berreraikitzea da, eta aurrerago izango da ikerketa batzordea osatzeko aukera.
Feijook "berandu" iristea eta biktimak bere burua ustelkeriarengandik "estaltzeko" erabiltzea leporatu dio
Goialdeko borraskak eragindako hondamendiaren kudeaketagatik autokritikarik ez egitea eta errua beste batzuei botatzea aurpegiratu dio Alberto Nuñez Feijoo PPko presidenteak Sanchezi. PPko buruzagiaren esanetan, lehen unean larrialdi nazionala izendatu behar zuen Espainiako Gobernuak. Horrez gain, bere azalpenak "berandu" datozela eta biktimak bere burua ustelkeriarengandik "estaltzeko" erabiltzea egotzi dio.
Santiago Abascal Voxeko buruzagiak, bere aldetik, Pedro Sanchez presidenteari leporatu dio Valentziako Erkidegoko hainbat udalerritan izandako biktimak "egunetan eta egunetan bakarrik uztea", "kalkulu politikoa" egiteagatik.
Hirugarren laguntza sorta
Pedro Sanchez Espainiako gobernuburuak hirugarren laguntza sorta iragarri du goialdeko borraskak bereziki Valentziako Erkidegoan kaltetutakoei bideratuta. Zehazki, 2.274 milioi euroko balioa duten laguntzak iragarri ditu, besteak beste, ibilgailuak erosteko eta kaltetutako ehun produktiboa berritzeko.
Espainiako Gobernuko presidenteak gaur goizean agerraldia egin du Diputatuen Kongresuan, goialdeko borraskak eragindako hondamendiaren kudeaketa azaltzeko. Azaldu duenez, Ministroen Kontseiluak ostegun honetan onartuko duen hirugarren laguntza sortak 60 neurri jasoko ditu "normaltasunera itzultzeko".
Hirugarren laguntza sorta horren baitan, 465 milioi euroko diru partida bat prestatu dute ibilgailuak erosteko. Kasu horretan, dirulaguntzak zuzenak izango dira eta 10.000 eurora arte ez dira itzuli beharko. Halaber, laguntza horiek osagarriak izango dira Aseguruen Konpentsazio Partzuergotik jasotakoekin.
Dirulaguntzak baliatuta erositako ibilgailuek ez dute zertan berriak izan beharko. Gainera, laguntzek atzerako eragina izango dute urriaren 29tik.
Era berean, Espainiako Gobernuak 1.200 milioi euroko dirulaguntza lerro bat onartuko du, autonomoek eta industria sektoreko enpresek beren instalazioak, ekipoak eta produktuen izakinak lehengoratzeko eta inbertsio berriak egiteko.
Bestalde, Sanchezek iragarri du sei milioira arteko mailegu hobaridunak eskainiko direla azken belaunaldiko teknologia eta makineria erosi nahi duten enpresa txiki eta ertainentzat. Horretara, 300 milioi euroko diru partida bat bideratuko da.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.