Albiste izango dira: EITB Data: euskal flota eta arrain kontsumoa, udaberria eta haizea, eta toldoen zozketa
Honako gai hauek hartuko dituzte gaur, 2025eko martxoaren 20an, hedabideetako lerroburu nagusiak:
- EITB Data: euskal flotaren egoera eta arrain kontsumoa: Arrantza-jarduera erdira murriztu da 20 urtean Euskal Autonomia Erkidegoan; 2003an 370 ontzi baino gehiago izatetik 2023an 187 ontzi inguru izatera igaro dira. Ondorioz, langile kopuruak % 48 egin du behera; 3.568tik 1.885era. Halaber, arrainaren kontsumoa % 30 jaitsi da EAEn, eta % 21 Nafarroan, hamarkada bakar batean. EAEn eta Nafarroan gehien jaten den arraina legatza da, 2014an bezala.
- Udaberria eta haizea: 10:02an hasiko da ofizialki udaberria eta ekainaren 21era arte iraungo du. Udaberriko lehen egunean, hegoaldeko haizea izango da protagonista. Haize bolada gogorrak neurtu dira han eta hemen: 118 km/h-koak Zaldiaranen, 112 km/h-koak Oizen en Oiz edota 108 km/h-koak Matxitxakon.
- Toldoen zozketa: Donostiako Udaleko udalbatza aretoan toldoen zozketa egingo da, 12:00etatik aurrera. Guztira, 954 toldo zozkatuko dira: 290 Kontxa hondartzan, 424 Ondarretan eta 240 Zurriolan. Toldoak hiru denboralditarako zozkatuko dira, eta epe hori igarotakoan, beste zozketa publiko bat egingo da.
Albiste gehiago politika
Lehendakariak baztertu egin du Cerdan auziak EAJ-PSE gobernuari eragitea: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak Cerdan auziak Euskadin izan ditzakeen ondorioez galdetu diotenean.
"Sanchezen aldetik, irmotasun, gardentasun eta azkartasun handiagoa behar da"
Lehendakariaren ustez, Espainiako legegintzaldia "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: "Akordio batzuk zabaldu izana gustatuko litzaidake"
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabaltzea, batez ere aurrekontuen arloan". Gainera, lehendakariak kritikatu du zenbait unetan gobernukideek publikoki erakutsi dituztela desadostasunak. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.
Nafarroako Gobernua akusazio partikular gisa aurkeztuko da ‘Koldo auzian’
Foru Gobernuko iturriek azaldu dutenez, Maria Chivitek dagoeneko iragarri duen ikuskaritza hirukoitzaren baitan hartutako erabakia da, “gardentasuna” bermatzeko neurri gehigarri gisa.
Rufianek, Sanchezi: ''Zin egizu hau ez dela PSOEren 'Gurtel auzia'''
PSOEren 'Gurtel auzia' ez dela ziurtatzeaz gain, Gabriel Rufian ERCren bozeramaileak Sanchezi eskatu dio inplikatutako enpresen aurka egitea eta "ustelkeriatan dabilen oro bizi osorako inhabilitatzea". "Ezkerrak ezin du lapurtu", adierazi du.