Egiturazko migrazio plan baten beharra azaleratu du Gorenaren sententziak, Melgosaren arabera
Ongizate, Gazteria eta Erronka Demografikoko sailburu Nerea Melgosak gogor kritikatu du migraziorako politika estrategia koherenterik ez egotea Espainian, Auzitegi Gorenaren azken epaiaren berri izan ostean. Ostiral honetan, Bartzelonako biltzarrean, Euskadik eta Kanaria Uharteek egiturazko erantzuna bideratzeko plan berritua aurkeztuko dute, Espainiako eta erkidegoetako presidenteen aurrean.
Sailburuak agerraldia egin du ostegun honetan, Auzitegi Gorenak eman berri duen epaia baloratzeko eta Imanol Pradales lehendakariak eta Fernando Clavijo Kanarietako presidenteak bihar Bartzelonan aurkeztuko duten dokumentua aletzeko. Bere adierazpenetan, Espainiako Estatuak migrazio politika integral eta egituraturik gabe jarraitzea deitoratu du.
"Gure ustez, Estatuari errieta egin dio, etxerako lanak egin ez dituelako", esan du Melgosak, Auzitegi Gorenaren epaiari erreferentzia eginez. Sailburuaren arabera, erabaki judizialak agerian uzten ari dira, beste behin ere, egungo sistemaren gabeziak, eta, gaineratu duenez, "migraziorako politikak ezin dira etorri auzitegiek belarrondokoa eman eta gero soilik", estrategia argi eta planifikatu bati jarraitu beharko litzaioke.
Melgosak berretsi duenez, Euskadik eta Kanaria Uharteek berriro hartu dute lidergoa, baina, konpromisoz jokatu arren, ez dagokie haiei soilik. "Oso pozik gaude, baina ez da gure egitekoa", gaineratu du. Zentzu horretan, bihar aurkeztuko den migrazio plan berrituaren garrantzia mahai gainean jarri du, politika koherente eta estruktural baterako aurrerapausoa izango delakoan.
"Migrazioaren fenomenoari etorkizunerako ikuspegiarekin eta erakundeen koordinazioarekin heldu behar zaio", amaitu du, eta azpimarratu du Euskadik eta Kanaria Uharteek aspaldi ohartarazi zutela horren beharraz, eta orain beste urrats bat eman dutela, afera hori agenda politikoaren erdigunean jartzeko.
Era berean, azpimarratu du erantzuna migrazio-fluxuen, sektore jakin batzuetako langile faltaren eta langile horien hezkuntza- eta osasun-beharrak kontuan hartuta "antolatu" behar dela. "Planifikatu egin behar da, prospekzioa egin behar da, eta ikusi egin behar da baliabideak norantz doazen", esan du sailburuak.
Zure interesekoa izan daiteke
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.