Sanchezek agerraldia egingo du asteazkenean Kongresuko osoko bilkuran
Pedro Sanchez Espainiako Gobernuko presidenteak agerraldia egingo du asteazkenean Kongresuan, talde parlamentarioen galderei erantzuteko, NBEren konferentzia atzeratu ostean.
Santos Cerdan PSOEko Antolakuntza idazkari ohiaren dimisioak eta alderdiaren krisiak baldintzatuko du agerraldia. Izan ere, Guardia Zibilaren txosten batek Koldo kasuarekin eta obren kontratu publikoetan komisioak kobratzen zituen ustezko sare batekin lotzen du.
Presidentearen agenda aldaketak, beraz, oposizioko buruzagien azken aurrez aurrekoa ekarriko du; besteak beste, Alberto Nuñez Feijoo (PP) eta Santiago Abascal (Vox) izango dira bertan.
Agerraldiari dagokionez, astelehenean, Santos Cerdanek dimisioa eman zuenetik lehen aldiz bilduko da exekutiboa.
"Konplizea eta gezurtia"
Alberto Nuñez Feijoo Alderdi Popularreko buruak "konplize eta gezurtitzat" jo du Pedro Sanchez Espainiako Gobernuko presidentea, eta esan du ez dutela "ihesbiderik", balizko dimisio bati erreferentzia eginez.
"Bazekien, beste alde batera begiratu zuen, eta orain esan digu ez zekiela. Gezurra esan du berriro ere", adierazi du Feijook UCOren txostenaz.
Gainera, buruzagi popularra Gobernuaren "aliatuei" ere zuzendu zaie, eta berretsi du auzia ez duela zerikusirik "ez ezkerrarekin ezta eskuinarekin", baizik eta "baloreekin eta printzipioekin".
"Sanchezen ondoan jarraitzen badute, ez dira bazkideak bakarrik izango, konplizeak eta estaltzaileak baizik", azpimarratu du Feijook.
"Tolerantziarik ez"
Maria Jesus Montero Espainiako Gobernuko presidenteorde eta PSOEko idazkariorde nagusiak esan du ezein erakunde politikok ezin duela bermatu "zero ustelkeria kasurik" bere baitan. Hori dela eta, "zero tolerantzia" eskatu dio Monterok PPri, sozialistek Cerdanen kasuarekin erakutsi duten bezala.
"Irmotasun handiagoa"
Bien bitartean, Maribel Vaquero EAJ alderdiaren Kongresuko bozeramaileak esan du Gobernuko presidenteak, Santos Cerdanen ustezko ustelkeria kasuetako ustezko inplikazioaren inguruan, "askoz zorrotzagoa" izan behar duela, eta "azalpenetan irmoagoa".
"Egia da positiboki baloratzen dugula Sanchezek esandakoa, azkar egin izana eta barkamena eskatu izana, baina hori ez da nahikoa. Eta beraiek badakite hori", adierazi du bozeramaile jeltzaleak.
Gainera, Vaqueroren hitzetan, EAJk "gardentasuna" eskatzen jarraituko du eta "inbestidura ituna betetzeko" eskatuko du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.