EAJk "zubi guztiak haustea" egotzi dio PPri, De Andresek Cerdan auzian dituen "inplikazioengatik" azalpenak eskatu ostean
Alberto Nuñez Feijook zuzentzen duen alderdia "Jeckyll eta Mr.Hyde" gisa definitu dute jeltzaleek; "egun batean EAJrekin harremana abiatu nahi du eta biharamunean zubi guztiak hautsi".
Euzkadi Buru Batzarraren (EBB) bilera bat. Artxiboko irudia: EAJ
Javier De Andres Euskal Autonomia Erkidegoko PPren presidenteak azalpenak eskatu dizkio EAJri, Iñaki Alzaga alderdi jeltzalearekin lotura duen enpresaburuak Santos Cerdan PSOEko antolakuntza idazkari ohiaren auzian "inplikazioa" duela iritzita. Iturri jeltzaleek Alderdi Popularrari erantzun diete, Alberto Nuñez Feijook zuzendutako alderdia "Jeckyll eta Mr.Hyde" dela esanez; "egun batean EAJrekin harremana abiatu nahi du -Telladok Maribel Vaquerori egindako deiari erreferentzia eginez- eta biharamunean zubi guztiak hautsi".
EAJk gogorarazi du "16 ordu baino gutxiago" igaro direla "gauza baten eta bestearen artean". Iturri berdinen arabera, EAJk "berretsi egiten ditu asteleheneko adierazpenak, eta ez da sartuko PPk edo beste edozein eragilek egiten dituzten oinarririk gabeko akusazio maltzurretan".
Iturri jeltzaleak
Askotan errepikatu arren, Cerdan ez zen EAJren hizketakidea
Gainera, EAJren ahotan, "afiliatua ez den pertsona bati buruz egiten diren frogarik gabeko akusazioei ezin die erantzunik eman, eta ez du erantzunik eman behar". "Nolanahi ere, aipatutako obra esleipenari dagokionez, ezarritako prozedura tekniko guztiak jarraitu zituen, teknikariek bakarrik parte hartu zuten mahai bat barne, eskaintzarik merkeenari eman zitzaion, eta ez zuen inolako prezio igoerarik izan, hasierakoarekin alderatuta", gaineratu du.
Azkenik, iturri jeltzaleen arabera, "askotan errepikatu arren, Cerdan ez zen EAJren hizketakidea". "EAJk hainbat solaskide zituen, izan ditu eta ditu, beste talde batzuek ez bezala, CerdanGobernuarekin eta PSOErekin zuten harremanetarako bitartekari bakarra", gogorarazi dute.
Asteazken honetan egindako agerraldian, De Andresek "Cerdanen sarean murgilduta" egotea leporatu dio EAJrekin lotura duen enpresaburuari. Salaketa horiek PPren Estatuko zuzendaritzak ezagutzen ditu, eta De Andresen arabera, EAJri azalpenak eskatzea partekatzen du.
Zehazki, De Andresek hedabide digital batzuetan (Diario.es eta El Confidencial) Iñaki Alzaga Nortegaseko (Eusko Jaurlaritzak konpainiaren % 12 du) presidentearen eta Grupo Noticias-en (EAJtik gertu dagoena) eta Antxon Egurrola euskal enpresaburuaren (Cerdanen izen-mailegaria) arteko harremanei buruz argitaratutako informazioen berri eman du.
Informazio horien arabera, Egurrola eta Alzaga bazkide dira Alegure enpresan, eta Alzaga enpresa horren % 4aren jabe da. Konpainia hori ikastetxe bateko lanen esleipendun izan zen 2,6 milioi euroren truke.
De Andresen hitzetan, Alzaga EAJren "konfiantza goreneko" enpresaburua da, bere karguek erakusten duten bezala. "Zer egiten zuen Cerdanekin lotutako enpresa horietan? Zertan ari da Alzaga Cerdanen sarean murgilduta?", galdetu du De Andresek.
"Cerdanek esan du Egurrola EAJrekin harremana izateko bere bitartekaria zela, eta Alzaga haren bazkidea zen", adirazi du Andresek, eta horregatik, EAJk "azalpenak" eman behar dituela gaineratu du.
Politikari buruzko albiste gehiago
Legegintzaldiak behea jotzeko arriskua ikusten du Sumarrek, PSOEren "immobilismoagatik"
Cerdanen espetxeratzeak eragindako krisia dela eta PSOErekin legealdiaren etorkizuna aztertzeko bi ordu eta erdiko bilera egin ostean, Sumarren bozeramaileak esan du PSOE ez dela egoeraren "larritasunaz ohartu".
PPk azalpenak eskatu dizkio EAJri Cerdan auzian dituen "inplikazioengatik"
Javier De Andres EAEko PPko presidenteak azalpenak eskatu dizkio EAJri, Santos Cerdan PSEko antolakuntza idazkari ohiaren auzian Iñaki Alzaga enpresaburuak (alderdi abertzalearekin lotura duena, bere esanetan) duen inplikazioagatik.
Tellado izango da PPren idazkari nagusia, eta Ester Muñoz, bozeramailea
Kongresuko egungo bozeramaileak ordezkatuko du Cuca Gamarra, PPk asteburuan Madrilen egingo duen XXI. kongresu nazionalean.
'Cerdan auzia'ren ostean legegintzaldia indarberritzeko neurriak hartzeko bildu dira PSOE eta Sumar
Sumarren asmoa da "180 graduko bira" ematea, eta nabarmendu dute krisi honek balio behar duela Gobernuaren programaren helburu nagusiak bizkortzeko eta ustelkeriaren aurkako mezu argia emateko. Horren bidez, oinarri progresistak suspertzeko 'Cerdan auzia'ren afrontuaren ostean.
Miguel Telladok PP eta EAJren arteko harremanari berriz heltzeko eskatu diela jakinarazi du alderdi jeltzaleak
PPk Kongresuan duen bozeramaileak eta Maribel Vaquero EAJko homologoak elkarrizketa labur bat izan dute gaur arratsaldean. Jeltzaleak kortesia parlamentarioagatik onartu du PPren ordezkariarekin hitz egitea.
Cerdan kartzelan sartzen ikustea “irudi mingarri zein etsigarria” da Espainiako Gobernuarentzat
Ministroen Kontseiluaren osteko prentsaurrekoan, Pilar Alegria bozeramaileak onartu du irudi hori "gertaera erabat lotsagarri eta izugarrien" ondorioa dela. Berretsi du "Gobernuak ustelkeriari aurre egiteko lanean” jarraituko duela, “justiziarekin ahalik eta gardentasun handienarekin kolaboratzen eta beharrezkoak diren azalpen guztiak ematen".
15 arlotako proposamenak biltzen dituen lan-dokumentua aurkeztu dio Podemosek lehendakariari
Imanol Pradales eta Richar Vaquero alderdi morearen koordinatzaile nagusi berria bildu dira. Hainbat gai izan dituzte hizpide, besteak beste, etxebizitza, zerbitzu publikoak, industria-politika, ekologia, fiskalitate progresiboa, immigrazioa, zaintza eta osasuna, hezkuntza publikoa eta ustelkeriaren aurkako borroka.
Eusko Jaurlaritzak "oraingoz" ez du 'Koldo auzi'ko enpresekin lotutako kontraturik atzeman
Santos Cerdan espetxeratu eta biharamunean Maria Ubarretxena Eusko Jaurlaritzaren bozeramaileak adierazi du kezkatuta dagoela egoera politikoa dela eta, are, eskatu du ikerketa azken bururaino eramatea. Halaber, azpimarratu du Espainian gobernu bat dagoen bitartean Eusko Jaurlaritzak gobernu horrekin lanean jarraituko duela.
Yolanda Diazek "lotsagarritzat" jo du Cerdanekin gertatutakoa, eta ustelkeria herrialde arazoa dela esan du
Espainiako Gobernuko bigarren presidenteordeak honako hau eskatu dio Pedro Sanchezi: krisiaren larritasuna ikusita, aferari ezin zaio "epelkeriaz heldu; erregenerazio demokratikorako neurri sendoak hartu behar dira", eta erabateko eta errotiko aldaketa baten beharra azpimarratu du.