Albaresek "geroratze-taktikak" ikusten ditu EBn euskararen ofizialtasunari buruzko erabakia berriro atzeratzean
"Hori eragotz dezakeen argudio teknikorik ez dagoela jakinda, atzean arrazoi politikoak ez ote diren galdetzen hasi naiz, baina lehenago edo geroago, inolako zalantzarik gabe, gaindituko ditugu", adierazi du Atzerri ministroak Radio Euskadin egindako elkarrizketan.
Jose Manuel Albares Espainiako Atzerri ministroa gaur, Bruselan. Argazkia: EFE
Espainiako Gobernuak lanean jarraituko du EBn euskararen, katalanaren eta galizieraren ofizialtasuna lortzeko bidean denbora gehiago eskatu duten herrialdeekin, baina Jose Manuel Albares Atzerri ministroak adierazi duenez, "batek ezin du esan zalantzak dituela, eta gero ezin du esan zeintzuk edo zein txosten behar duen, baina ez eskatu. Hori ez da zilegi, geroratze-taktikak dira".
Espainiako ministroak uste du ez direla "argudio teknikoak" gaur, berriro ere, adostasun falta eragin dutenak. "Hori atzeraezina den bide bat luzatzeko modu bat da", aurpegiratu du.
"Hori eragotz dezakeen argudio teknikorik ez dagoela jakinda, atzean arrazoi politikoak ez ote diren galdetzen hasi naiz (atzerapenaren arrazoiak), baina lehenago edo geroago, inolako zalantzarik gabe, gaindituko ditugu", adierazi du ministroak Radio Euskadin egindako elkarrizketan, Europar Batasuneko estatuek katalanaren, euskararen eta galizieraren ofizialtasunari buruzko bozketa berriro atzeratu eta ordu batzuetara, Espainiaren eskaera onartzeko behar den adostasun faltagatik.
Jose Manuel Albares Atzerri ministroa
Batek ezin du esan zalantzak dituela, eta gero ezin du esan zeintzuk edo zein txosten behar duen, baina ez eskatu
Ministroak zehaztu duenez , ezin du buruan sartu Espainiako Konstituzioan dauden "hizkuntzen aurka doazen" alderdi politikoak egotea.
Azaldu duenez, Europan "estatu batzuek denbora gehiago eskatu digute ekimena ahobatez onartzeko, eta egia esan, ez dago benetako argudiorik", herrialde batzuek agertutako zalantzen atzean.
"Ez dut ikusten zergatik, inorengan eragiten ez duen erabaki batek, Espainian izan ezik, eta bere nortasun nazionalak, eleanitza izanik, ezin du aurrera egin", gaineratu du ministroak, eta Espainiako indar politiko guztiei dei egin die, zehazki, PPri, Europako "alderdi anaiekin" hitz egin dezaten.
Bestalde, Imanol Pradales lehendakariak eta Salvador Illa Kataluniako presidenteak Europar Batasuneko estatu kideei katalanaren, euskararen eta galizieraren ofizialtasunari bermea emateko eskatzeko gutuna baloratu du Albarasek, eta Galiziako Xuntako presidenteak ekimenarekin bat egin ez izanak harritu egin duela erantsi du.
"Gustatuko litzaidake bere sinadura hor ikustea"; izan ere, "galiziera Europan ofiziala izatea merezi duen hizkuntza da, eta ez soilik hauteskundeetan hango herrietan botoa eskatzeko", gaineratu du.
Zure interesekoa izan daiteke
EHUko errektoretza taldeak "onartezintzat" jo du Arabako campusean ke poteak jaurti izana
Martxoaren 3ko sarraskiaren urteurrenaren bezperan, ikasle talde batek ke poteak jarri ditu Arabako campuseko lau fakultatetan, eta, ondorioz, protokoloa aktibatu dute eta ikasgelak hustu behar izan dituzte. Errektoretzak ohar bidez esan du ikasleen "aldarrikapenerako eta protestarako eskubidea" babesten duela, baina ez dituela onartuko "pertsonen segurtasunaren, bizikidetzaren eta gainerako unibertsitate-komunitatearen hezkuntzarako oinarrizko eskubidearen aurkako metodoak".
EHUren Arabako campusa jendez hustu dute, hainbat lagunek ke poteak jaurti baitituzte
11:30 aldera, Arabako campuseko lau fakultatetan ke poteak bota dituzte. Alarmak jo du, protokoloa aktibatu dute eta eraikinak jendez hustu dituzte. Martxoaren 3ko sarraskiaren 50. urtemugarako antolatutako ekitaldi bat iragartzeko egin du omen du ekintza Euskal Herriko Ikasle Antolakunde Sozialistak.
Zapaterok ukatu egin du Plus Ultrarekin "inolako harremanik" izatea, eta gezurtatu egin du Abalosekin zein beste agintari batzuekin bilerak egin izana
Espainiako Gobernuko presidente ohiak agerraldia egin du, astelehen honetan, Senatuan Koldo auziari buruz egiten ari diren ikerketa batzordean, eta UPNk Plus Ultrarekin duen loturari buruz egindako galderak erantzun ditu, besteak beste.
Juan Mari Aburto: “Bilboko turismo tasa nekez sartuko da indarrean aurten”
Bilboko alkateak onartu du 2026an aktibatu nahiko lukeela tasa turistikoa, horrek izango lukeen eragin ekonomikoagatik, baina ohartarazi du epe administratiboek zaildu egiten dutela. Ordenantza, ziurrenik, datorren urterako onartuko da. Aburtok gogorarazi du turismoa tokiko ekonomiaren % 8 dela, eta diru-bilketak bilbotarren bizi-kalitatea hobetzeko eta hiriko garapena eta enplegua indartzeko balioko duela.
"Ez du zentzurik M3aren erantzukizuna gobernu sozialista bati eskatzea, biktimak gu izan ginelako"
Martxoaren 3ko sarraskiaren erantzukizun eskaeraren inguruan mintzo da Eneko Andueza PSE-EEren idazkari nagusia, Radio Euskadiko Boulevard irratsaioan egindako elkarrizketan.
Anduezak ohartarazi du beharrezkoa dela demokrazia "sendotzen jarraitzea"
Frankismoaren ondorengo lehen mitinaren 50. urteurrena ospatu du PSE-EEk Eibarren, Astelehena frontoian egin baitzuten lehen ekitaldi hura. Anduezaren esanetan, ordutik demokraziari ekarpenak egin dizkio Alderdi Sozialistak, nahiz eta orain arriskuan egon.
EAJk eskuin-muturrari aurre egiten jarraituko duela adierazi du Unai Hualdek
Amaiurren egindako ekitaldi batean, Unai Hualde Napar Buru Batzarreko presidenteak esan du EAJk eskuin-muturrari aurre egiten jarraituko duela, Manuel de Irujok bezala.
Jaurlaritzako Kanpo Harremanetarako Idazkaritza Nagusiak informazioa eta laguntza eskaini dizkie Ekialde Hurbilean dauden EAEko herritarrei eta enpresei
Israelek eta AEBk Irani egindako erasoak segurtasunean, aire konexioetan eta mugikortasunean izan ditzakeen eraginaren aurrean, "laguntza eta koordinazio instituzional guztia" eskaini die. Lasai egoteko eta alferrikako joan-etorriak saihesteko gomendatu die.
Pradales Belgikako lehen ministroarekin bilduko da Bruselara egingo duen hirugarren bidaia ofizialean
Lehendakaria Bruselara joango da martxoaren 3tik 4ra, Euskadik Europan duen papera indartzeko eta 2028tik aurrerako kohesio-politikari buruzko goi-bilera batean parte hartzeko.
Burujabetza handiago baten beharra azpimarratu du Gure Eskuk
Gure Esku mugimendu herritarrak bigarren konferentzia subiranista egin du Bilbon, eta egun burujabetzak eta nazioak nola eraikitzen ari diren aztertu du. Burujabetza handiago baten beharra azpimarratu dute bertan, eta eredu propioa aldarrikatu.