Lehendakariak jauzi kualitatibo bat eskatu du, Euskadiren gaitasun politikoa eta aldebikotasun eraginkorra bultzatzeko
Gernikako Estatutuaren 46. urteurrena dela eta, Imanol Pradales lehendakariak artikulu bat argitaratu du LinkedIn sare sozialean, Euskal autogobernuaren gertaera bereizgarria izenburupean.
Estatutua krisi industrial eta ekonomiko larri baten erdian eta terrorismoa herria gogor jotzen ari zen garai batean onartu zela gogorarazi ostean, testua onartuta "autogobernua berreskuratzen eta gure herria berreraikitzen hasi zen, hondatuta baitzegoen", horren hitzetan.
Euskal herritarren % 59k testua berretsi zutela, baina ezker abertzaleak abstentzioa aldarrikatu zuela gogorarazi du. "Horiek dira gaur egun gutxiesten jarraitzen dutenak, Euskadiko erakundeen, gizartearen eta lurraldearen errealitateari erantzuten ez diotela adieraziz", gaineratu du.
Estatutua euskaldunen arteko eta euskaldunen eta Estatuaren arteko ituna izan zela esan du lehendakariak, eta 46 urte geroago bete gabe jarraitzen duela salatu du. Pradalesen iritziz, behin betiko urratsa emateko unea da, eta Pedro Sanchezi Gernikako Estatutuaren karpeta behin betiko ixteko eskatu dio.
Etorkizunari begira, lehendakariak adierazi du Euskadik "jauzi kualitatiboa" eman behar duela eta "bere bidean etapa berri bati ekin" behar diola. Horren ustez, Euskadik gaitasun politiko berriak izan behar ditu erronka berriei aurre egiteko, migrazioari edo eraldaketa industrial eta teknologikoari esaterako.
Era berean, aldebikotasun eredu eraginkor baten eta berme-sistema inpartzial baten alde egiten du. Pradalesen esanetan, "ezinbestekoa da arau-egitura berri bat izatea, lortutako autogobernua higatu edo mugatuko duten aldebakarreko erabakiak saihesteko".
Amaitzeko, Imanol Pradalesek autogobernua jatorrizko eskubide gisa aitortzeko eskatu du, eta gure autogobernua hobetuko duen itun baterantz aurrera egiteko garaia dela adierazi du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.