Alokairuaren prezioa igotzen ez duten etxejabeentzat hobari fiskalak iragarri ditu Sanchezek
EH Bilduk zein ezkerreko gainerako talde parlamentarioek aurreratu dute ez dutela neurria babestuko. EH Bilduren arabera, "neurriz kanpoko alokairuak kobratzen" ari diren jabeak "zergak ordaintzetik libratu" nahi izatea "adarjotzea da".
Etxebizitzen alokairuaren prezioa igotzen ez duten etxejabeentzat % 100eko hobari fiskala iragarri du Pedro Sanchez Espainiako Gobernuko presidenteak. Neurria errege dekretu baten bidez ezartzea da asmoa, datozen asteotan.
Madrilen egin duen ekitaldi batean aurreratu du neurria buruzagi sozialistak. Esan duenez, denboraldi jakin baterako alokairu-kontratuak eta logelen kontratuak ere mugatu nahi dituzte arau berriarekin. Baldintzak eta zigorrak zorroztuko direla jakinarazi du.
Besteak beste, azaldu du logelak banaka alokatzen diren kasuetan, horien baturak ezingo duela gainditu alokairu osoaren prezioa. Tentsio handiko eremuetan, berriz, Etxebizitza Legeak jasotzen dituen kontrol neurriak aplikatuko dituzte.
Kritikak
EH Bilduk zein ezkerreko gainerako talde parlamentarioek aurreratu dute ez dutela neurria babestuko. EH Bilduko Oscar Matuteren arabera, "neurriz kanpoko alokairuak kobratzen" ari diren jabeak "zergak ordaintzetik libratu" nahi izatea "adarjotzea da". "Gobernuak egin behar duena da automatikoki luzatu 2026an amaitzen diren alokairu-kontratuak, eta ez diru publikoa oparitu etxejabeei, are gehiago irabazi dezaten", idatzi du X sare sozialean.
Sumarrek —PSOEren bazkidea koalizio gobernuan— ere gogor kritikatu du iragarpena, eta argi esan du ez duela PSOEren proposamenaren alde bozkatuko. "Errentatzaileei diru publikoa oparitzea akats larria da", esan du Yolanda Diaz Sumarreko buruak eta Espainiako Gobernuko presidenteorde bigarrenak eta Lan eta Ekonomia Sozialeko ministroak.
Ildo beretik, Irene Montero Podemos alderdiko eurodiputatuak azaldu du "errentatzaileei opariak" egitearen kontra bozkatuko dutela.
Halaber, Facua kontsumitzaileen eskubideen aldeko elkarteak salatu du Espainiako Gobernuak ez duela borondaterik higiezinen gaineko espekulazioa amaitzeko.
Zure interesekoa izan daiteke
Gobernukideak bat datoz, eta legegintzaldia agortzea espero dute
PSNk, Geroa Baik eta Contigo-Zurekin alderdiek sintonia ona agertu dute Nafarroako Gobernuaren akordio programatikoaren jarraipen batzordearen bileraren ostean. Bertan, bat egin dute Gobernuaren ekimenari bultzada politiko handiagoa emateko beharrarekin, legealdirako geratzen diren 15 hilabeteetan.
Euskadik eta Fukushimak lankidetza estrategikoa berritu dute
Akordioak lankidetza sustazen du funtsezko sektore batzuetan, hala nola energia berriztagarrian, gailu medikoetan eta gastronomian. Imanol Pradales lehendakariak azpimarratu du bi aldeak bat datozela "teknologia garbietan nazioarteko erreferente izateko anbizioarekin eta potentzialarekin".
Estebanek ohartarazi du EAJ ez dela "besoak gurutzatuta" egongo transferentziak itxi ezean
"Baikorrak izaten saiatuko gara, baina besoak gurutzatuta ez gara geratuko", adierazi du Estebanek. Gainera, azpimarratu du ostiralean eskualdaketak itxi ezean, EAJk Espainiako Gobernuarekiko duen jarrera "ez da berdina izango". "Espainiako Gobernua berehala ohartuko da", esan du jeltzaleen buruak.
Martxan da kalitate demokratikoa hobetzeko Legebiltzarreko lantaldea
Lehendakariak proposatu zuen foro hori sortzea demokrazia indartzeko helburuarekin, munduko autoritarismoen eta desinformazioaren gorakadaren aurrean.
Sumarrek uste du aste honetan eskumenen inguruan akordiorik ez egotea ez dela "hain kezkagarria"
Lander Martinez Kongresuko Sumarren diputatuak bi gobernuen artean egindako "lan guztia" baloratu du, eta EAJk hori aitortzea espero du. "Ez dut uste egoerak koalizio-gobernu aurrerakoi bat arriskuan jartzeko adinako larritasunik duenik, ondoren zer etorriko den jakinda", adierazi du.
Andueza, eskumenei buruz: "Oso baikorra naiz; Bitariko Batzordearen hurrengo bileran eskumen horiek sinatzea espero dut"
Iñaki Guridi kazetariarekin Euskadi Irratiko "Faktoria" saioan egindako elkarrizketa batean, Eneko Andueza PSE-EEren idazkari nagusia "oso lasai" agertu da Eusko Jaurlaritzaren eta Espainiako Gobernuaren arteko bost eskumenen transferentziaren polemikaren harira, eta ziurtatu du ez duela zalantzarik, "gauzak ondo aterako dira". "Gauzak nahiko aurreratuta daude", adierazi du, eta adostutako bost eskumenak hurrengo egunetan transferituko direla iragarri du.
Txillardegi omendu dute Donostian, eta aitortza instituzionala eskatu dute harentzat
Jose Luis Alvarez Enparantza Txillardegi hil zela 14 urte beteko dira asteazkenean, eta, hori dela eta, idazle, hizkuntzalari eta ETAren sortzailea izan zena omendu dute igande honetan Donostian, Antigua auzoko Gaskonia plazan. Bertaratu direnek aitortza instituzionala aldarrikatu dute harentzat.
Salbuespen legea eta Fiskaltzaren helegiteak amaitzeko ordua dela dio Sarek
Lanean jarraituko dute ETAko presoei ezartzen zaizkien salbuespen neurriekin amaitzeko. Bilbon egindako manifestazio jendetsuaren biharamunean, aldaketak eskatu dituzte berriro ere arlo politikoan eta judizialean.
Eusko Jaurlaritzak "larritzat" jo du Espainiako Gobernuarekin adostutako bost eskumenak gauzatzeko "bermerik ez" izatea
Ibone Bengoetxea lehendakariordeak EITBri egindako adierazpenetan azaldu duenez, "borondate politikoaren kontua" da akordioa ixtea. Halakorik ez balego, "beste irakurketa bat egin beharko genuke, eta egoera ezberdinean geundeke, politikoki eta instituzionalki".