EITB Focus
EITB Focusen inkesta
EAJ eta EH Bildu indartuta aterako lirateke, baina jeltzaleek aurretik jarraituko lukete
Foru eta udal hauteskundeetarako urtebete falta denean, EAJk eta, bereziki, EH Bilduk emaitzak hobetuko lituzkete, joera bipartidista sendotuz. Nafarroan, UPN izango litzateke lehen indarra, baina nekez izango luke gobernatzeko aukera; PSN eta EH Bildu lehian ariko lirateke bigarren indarra izateko.
18:00
-
20:00
ZUZENEAN
Duela
min.
EAJk bere nagusitasunari eutsiko lioke Bizkaian, baina EH Bilduk nabarmen egingo luke gora
Foru hauteskundeetarako urtebete falta denean egindako galdeketaren arabera, EAJk 2023ko emaitzak berdinduko lituzke, eta EH Bilduk 4 puntu egingo luke gora.
18:00
-
20:00
ZUZENEAN
Duela
min.
EH Bilduk aldea handituko luke Gipuzkoan, EAJk ere gora egin arren
EAJk emaitzak hobetuko lituzkeen arren, koalizio abertzaleak bere lidergoa sendotu eta 6 puntuko aldea lortuko luke, EITB Focusen arabera.
18:00
-
20:00
ZUZENEAN
Duela
min.
EAJ eta EH Bildu parez pare Araban, baina jeltzaleak aurretik lirateke
Foru hauteskundeetarako urtebete falta denean egindako galdeketaren arabera, hauteskundeak orain egingo balira, bai jeltzaleek bai koalizio abertzaleak 2 puntu baino zertxobait gehiago irabaziko lituzkete; PSE-EEk eta PPk, berriz, indarra galduko lukete.
18:00
-
20:00
ZUZENEAN
Duela
min.
UPN lehen indarra izango litzateke Nafarroan, gehiengotik urrun; PSN zein EH Bildu, bigarren izateko lehian
Eskuinaren batuketa (UPN, PP eta Vox) gehiengo osotik urrun geratuko litzateke; eta PSNk, EH Bilduk, Geroa Baik eta ezker konfederalak gobernu aurrerakoi bat berrets lezakete.
Gehiago ikusi
Gehiago ikusi
2022/06/01 - 12:15
Ramon Alzorriz: "Nafarroako alderdi progresistok eskuinean dagoen banaketa aprobetxatu behar dugu"
Chivite Foru Gobernura eraman zuen legegintzaldiko akordioa berriz lortu nahi du PSNko bozeramaileak. "Badakigu non egon ginen eta nora ez dugun itzuli nahi", esan du Alzorrizek. Sozialistek boto asmoan gora egiten dutela azpimarratu du.
2022/06/01 - 11:59
Hualde: "Inkestek emaitza okerragoa ematen diote Geroa Bairi gero errealitateak erakusten duena baino”
Nafarroako Parlamentuko presidentea baikor agertu da EiTB Focus inkestaren azken datuen aurrean, nahiz eta inkestek aurreikusi duten Geroa Baik ordezkari bat galduko lukeela hauteskundeak gaur egingo balira.
2022/06/01 - 11:50
Bakartxo Ruiz: "EH Bilduk determinantea izaten jarraituko du gobernu aurrerakoiak osatzeko"
Koalizio subiranistaren bozeramailea zuhur mintzatu da "inkestak beti inkesta" direlako, baina EITB Mediaren galdeketak koalizioaren "goranzko joera" berresten duela aitortu du.
2022/05/31 - 18:47
Amaia Martinez: "Gaztela eta Leonen ere emaitza txarrak aurreikusi zizkiguten, eta orain Gobernuan gaude"
Amaia Martinez Voxeko legebiltzarkideak adierazi du inkestetan beti gaizki agertzen direla, baina ondoren inork esperotakoak baino emaitza hobeak izaten dituztela.
2022/05/31 - 17:18
NA+ izango litzateke indar bozkatuena Iruñean, baina bi zinegotzi galduko lituzke
EH Bilduk babes handiagoa lortuko luke (% 3,3 gehiago), eta horrek ordezkari bat emango lioke, 8ra iritsita. Vox Udalean sartuko litzateke lehen aldiz, eta bai PSNk baita Geroa Baik ere gaur egungo ordezkari kopurua mantenduko lukete.
2022/05/31 - 16:03
Hiru aldundietan ere EAJ garaile izango litzateke, EITB Focusen arabera
Foru hauteskundeak gaur izango balira EAJk irabaziko lituzke EAEko hiru lurraldeetan. Bizkaian ia gehiengo osoz, eta Araban erosotasunez. Gipuzkoan, aldiz, oso lehia estua izango luke EH Bildurekin.
2022/05/31 - 15:19
Bingen Zupiria: ''Ikusten diren tendentziak bat datoz 2019ko hauteskundeetako joera nagusiekin''
Bingen Zupiriak ohartarazi duenez, EAJ eta PSE-EE kezkatuta daude inkestak erakusten duen abstentzio maila altuarekin.
2022/05/31 - 12:10
Oyarzabalek "aldaketa giroa" sumatzen du Araban: "Ez dut uste jendea EAJren kudeaketa txalotzen ari denik"
Arabako PPko presidenteak nahiago du EITB Focusen inkesta ez baloratzea, "Tezanosenaren antza” hartzen diolako, eta PPren "susperraldiak", "Feijoo efektuagatik", Euskadin ere isla izango duela uste du.
2022/05/31 - 11:56
Mendoza: "Argi dago Gipuzkoa lurralde abertzalea dela eta bi alderdien lehia errepikatuko dela"
Gipuzkoako Foru Aldundiko bozeramaileak EiTB Focus inkestaren azken emaitzak errepasatu ditu eta aitortu du Gipuzkoan EH Bildu oso gertu daukatela. Hala, azpimarratu du urtebe dutela arraun egin eta aldea handitzeko.
2022/05/31 - 11:46
Gehiengo osotik urrats batera geratuko litzateke EAJ Bizkaian, botoen % 45,7 eskuratuta
EH Bilduk indar handiagoa hartuko luke bigarren lekuan, hautesleriaren babes zabalagoa eskuratuta. PSE-EEk, Elkarrekin Podemosek eta PPk behera egingo lukete, EITB FOCUSen azken inkestaren arabera.
2022/05/31 - 11:18
Gorrotxategi: "Elkarrekin Podemosekin gobernuak hobeak direla erakusteko urtebete daukagu"
EITB Focus inkestaren arabera, Elkarrekin Podemosek behera egingo luke datozen foru hauteskundeetan. Miren Gorrotxategik, baina, garrantzia kendu dio eta azpimarratu du oraindik urtebete falta dela.
2022/05/31 - 10:59
Eneko Andueza: "Euskal sozialistok emaitza ona lortuko dugu eta orain bezala giltza izango gara"
EITB Focus inkestaren arabera, PSE-EE hirugarren indarra izango litzateke Arabako, Bizkaiko eta Gipuzkoako Batzar Nagusietan. Boto asmoari dagokionez, % 1 inguruko beherakada izango luke.
2022/05/31 - 08:50
EAJk hiru aldundietan irabaziko luke, eta EH Bildu bigarren indarra izango litzateke
EH Bilduk eta EAJk lehia estua izan lezakete Gipuzkoan, inkestek botoen % 33,8 eta 36,3 ematen baitiete, hurrenez hurren. Bizkaian, EAJ gehiengo osotik urrats batera geratuko litzateke, botoen % 45,7 erdietsita.
2022/05/31 - 08:50
EAJk garaipen erosoa erdietsiko luke Araban, botoen % 32 jasota
EH Bilduk, indartsu bigarren postuan, botoen % 23 lortuko luke. Elkarrekin Podemos izango litzateke babesik handiena galduko lukeen taldea, % 2,7 gutxiago jasota, aurreko hauteskundeekin alderatuta.
2022/05/31 - 08:50
Lehia estua eman liteke EAJ eta EH Bilduren artean Gipuzkoan
PSE-EEk, Elkarrekin Podemosek eta PPk babesa galduko lukete aurreko hauteskundeekin alderatuta, inkestek gainerako lurraldeetan erakutsi duten ildo beretik.
2022/05/30 - 17:33
Vox: "Ez ditugu sukaldatutako inkestak sinisten, kalean jasotzen dugun inkesta da guretzat inportanteena"
Amaia Martinez eskuin muturreko legebiltzarkidearen ustez, "goizegi" da hauteskundeez hitz egiteko. "Guri egunez egun jardutea gustatzen zaigu, ez urtebetera begira", erantsi du.
2022/05/30 - 16:27
Laura Garrido: "EITB Focusek ez du kontuan eduki Feijooren eragina"
PPko legebiltzarkideak onartu du EITBren hauteskunde inkestak ez diola bere alderdiari emaitza onak eman, baina gehitu du hauteskundeetan inkestetan baino datu hobeak lortzen dituztela.
2022/05/30 - 16:01
EAJk Donostiako lehen indarra izatea lortuko luke, orain baino ordezkari bat gehiago eskuratuta
EH Bilduk bigarren postuan izaten jarraitzea lortuko luke, eta jasotako babesa gehien handituko lukeen indarra litzateke, zinegotzi bat gehiago lortuta. PP eta Elkarrekin Podemos izango lirateke gehien galduko luketen taldeak.
2022/05/30 - 15:56
EAJk gehiengo osoa lortuko luke Bilbon
Jeltzaleen hautagaitzak 15 zinegotzi lortuko lituzke eta ez luke akordioak lortzeko beharrik izango alkatetza eskuratzeko. PSE-EEk babesa galduko luke, nahiz eta bigarren indarra izateari eutsiko liokeen, baina EH Bildurekiko ia parean geratuta.
2022/05/30 - 15:53
EAJk irabaziko luke Gasteizen, EH Bildurekin zinegotzi kopuruan berdinduta
Bi taldeek babes handiagoa lortuko lukete, aurreko hauteskundeekin alderatuta. Bai PSE-EEk, baita PPk ere, gaur gaurkoz daukaten ordezkari kopuruari eutsiko liekete, baina bi kasuetan babes gutxiago jasota.