Gehiengo osotik urrats batera geratuko litzateke EAJ Bizkaian, botoen % 45,7 eskuratuta
Eusko Alderdi Jeltzaleak irabaziko lituzke hauteskundeak Bizkaian eta gehiengo osotik urrats batera geratuko litzateke, botoen % 45,7 eskuratuta (% 2,2 gehiago), orain udal eta foru hauteskundeak egingo balira, EITB FOCUS EITB Taldeak egindako hogeita zazpigarren makroinkestaren datuak begiratuta.
EITB FOCUSen inkesta berria udal eta foru hauteskundeetarako urtebete falta denean egin dute, 2023ko maiatzaren azken igandean egin beharko bailituzkete. Gaur, EITBk inkesta honen bigarren zatia argitaratu du eta bihar, asteazkena, Nafarroako boto asmoari buruzko datuak argitaratuko ditu.
EH Bilduk botoen % 22,2 lortuko lituzke (% 2,3 gehiago), lurraldeko bigarren lekuan indarra hartuta, eta gainerako erakundeetarako aurreikusten den joeranzko joerarekin bat eginez.
Gainerako alderdiek indarra galduko lukete Bizkaian. Hala, PSE-EE hirugarren indar bozkatuena izango litzateke, botoen % 15,1 eskuratuta (% 1,5 gutxiago); eta Elkarrekin Podemosek % 7,6, hiru puntu gutxiago.
EITB Mediaren grafikoa.
Balorazioa
Aldundien eta ahaldun nagusien kudeaketari buruzko balorazioari dagokionez, Unai Rementeriak batez besteko 6ko nota jaso du, eta inkestan parte hartu duten pertsonen % 77k begi onez ikusi du aldundiak egiten duen kudeaketa.
Kontsulta itzazu hemen Gipuzkoako emaitzak, eta hemen, Arabakoak.
Orokorrean, % 72,1ek ontzat ematen du aldundiek egiten duten kudeaketa, 5,9ko notarekin, alegia, Jaurlaritzak jaso duen nota bera, baina azken kasu horretan herritarren % 77,4ren onespenarekin.
Jaurlaritzak batez besteko 5,9ko nota jaso du, eta % 77,4k begi onez ikusten du kudeaketa. Lurraldeka, Jaurlaritzari nota altuena eman dion lurralde historikoa Bizkaia da, 6,2ko notarekin; ondoren, Araba agertzen da, 5,8 eta, azkenik, Gipuzkoa, 5,5eko notarekin.
Azkenik, EAEKo herritarrek 5,5eko nota eman diote Espainiako Gobernuaren kudeaketari, inkestako parte hartzaileen % 57ko onespenarekin. Notarik altuena, kasu honetan ere, Bizkaian eman da, 4,9rekin; Araban, 4,6 eta Gipuzkoan, 4,3. Halere, hiru lurralde historikoetan % 50k baino gehiagok onetsi dute kudeaketa.
Metodologia
Ikerketa hau burutzeko erabilitako metodologia kuantitatiboa izan da, telefono bidezko elkarrizketa teknikaren bidez. Ikerketa teknika honek proposatutako helburu guztiei erantzuna ematea ahalbideratzen du eta balio eta fidagarritasun handiko emaitzak jasotzen direnez eraginkortasunez aritzeko aukera ematen digu.
Ikerketaren unibertsoa: EAEn bizi diren 18 urtetik gorako gizabanakoak osatzen dute; Landa-lana 2022ko maiatzaren 5etik 12ra burutu zen. Laginketa geruzatu bat burutu da, kuotekiko proportzionala den finkapenarekin hau ere metolodolgia kuantitatiboa erabiliz burutu da.
Fitxa teknikoa
EAE-n bizi diren 1.750 pertsona (400 Gasteiz-en eta 150 Arabaren gainerakoan; 400 Bilbon eta 200 Bizkaiaren gainerakoan; 400 Donostian eta 200 Gipuzkoaren gainerakoan). La= ±% 2,34 konfiantza-maila: % 95, p=q=0´5 EAE-ko datuetarako, ±% 4,18 Arabako datuetarako, ±% 4,00 Bizkaiko datuetarako, ±% 4,00 Gipuzkoako datuetarako, ±% 4,90 Gasteizko datuetarako, ±% 4,90 Bilboko datuetarako eta ±% 4,90 Donostiako datuetarako. Lurralde historiko, udalerri, sexua eta adinaren arabera geruzatutako zorizko lagina.
Inkesten % 26,9-a euskaraz egin dira eta gainerako % 73,1-a gazteleraz. Inkesta egindako udalen populazio-tamainagatik haztatutako erabateko emaitzak. Landa-lana 2022ko maiatzaren 5etik 12ra burutu zen telefono bidezko elkarrizketa bitartez. Inkesten batez besteko iraupena 5,31 minutukoa izan da, motzenak 4 minutu eta luzeenak 18 minutu iraun dutelarik
Zure interesekoa izan daiteke
Carlos Garaikoetxea lehendakariaren hil-kapera hartuko du Ajuria Eneak asteazken honetan
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango dioten azken agurra demokraziako lehen lehendakariari.
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Bihar goizean, Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, eta arratsaldean, Iruñeko San Frantzisko parrokian, hileta-elizkizuna egingo da.
Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.
Pradalesek Garaikoetxeak utzitako ondarea goraipatu du, gizartean eta politikan, "erreferente politikoa eta autogobernuaren arkitektoa" izan baitzen
Adierazpen instituzionalean, Gernikako Estatutua garatu eta euskal erakundeak sendotzeko egindako ekarpena nabarmendu du lehendakariak.
Borja Semper, politikara itzuli berri: "Ez dut zirku eta irain kontuetan parte hartuko"
Kultura eta Kirol idazkariorde eta PPren Espainiako bozeramailea politikara itzuli da, pankreako minbiziagatik hamar hilabetez erretiratuta egon ostean.
Lehendakariaren adierazpen instituzionala Garaikoetxearen heriotzaren ondoren
Imanol Pradalesek adierazpen instituzionala egingo du 11:30ean, atzo Carlos Garaikoetxea lehendakaria hil eta gero.
Albiste izango dira: Carlos Garaikoetxeari agurra, Tubos Reunidosen hartzekodunen konkurtsoa eta Maialen Mazonen ustezko hiltzailearen aurkako epaiketa
Gaurkoan Orain-en albiste izango direnen laburpena, bi hitzetan.
Garaikoetxearen lagun eta kolaboratzaileek goraipatu egin dituzte haren gizatasuna eta ausardia
Ondare handia utzi du Garaikoetxeak, eta bere gertuko lagun eta kolaboratzaileek askotariko mezuak zabaldu dituzte haren lana goraipatzeko. Esaterako, Pedro Luis Uriartek, harekin Ekonomia sailburu izan zenak, azpimarratu du zulo beltzean zegoen herria berpizteko ausardia izan zuela, eta “oso eskertuta” egon beharko genukeela.
Eusko Jaurlaritzak hiru dolu-egun ezarri ditu
Dolu-aldia astelehen honetan hasi da eta asteazkenean amaituko da. Gorpua bihar, asteartea, Iruñeko beilatoki batean egongo da, eta asteazkenean Ajuria Enean jarriko dute hil-kapera.
Garaikoetxea "garai zailetan ezina ekinez lortu" zuen liderra izan zela nabarmendu du Pradalesek
Mezu batean, lehendakariak eskerrak eman dizkio herriari onena emateagatik: "Eskerrik asko maite zenuen herriaren eta askatasunaren alde onena emateagatik. Ez dizugu hutsik egingo".