Manifestazioak

2024/11/23 - 21:10

''Estatus berri baterako bidean jauzia emateko'' eskatu du EH Bilduk Bilbon

Milaka lagun bildu dira (12.000, Udaltzaingoaren arabera) arratsaldean, "Euskal Herriaren estatus berri baterako bidea" irekitzea eskatzeko.

2024/11/23 - 18:33

AHTaren lanak ''berehala eta guztiz'' gelditzeko eskatu dute Iruñean

Elkarretaratzea egin dute Iruñean, Sustrai Erakuntza Fundazioak deituta, eta 500 pertsonak eta eragilek baino gehiagok sinatutako testua irakurri dute. Besteak beste, argudio ekonomikoak, sozialak, lurralde kohesioari lotutakoak eta energetikoak eman dituzte euren eskaera oinarritzeko.

2024/11/18 - 16:39

Isunak onartu dituzte Kongresua inguratzera deitu zuen lehenengo protestagatik auzipetutako 21 lagunetik seik

Atzerapenak oso nabarmenak izan direnez, kartzela-zigor eskaerak isunetara murriztu dira. Gainerakoek ukatu egin dituzte akusazioak, eta absoluzio librea eskatzen dute.

2024/11/17 - 13:43

Euskal Herria nazio gisa aitortzeko ''aurrerapausoak'' eskatu dizkio EH Bilduk Pedro Sanchezi

Gainera, datorren larunbatean, hilak 23, 'Nazioa Gara' lelopean Bilbon egingo duen manifestazioan parte hartzera deitu ditu herritarrak.

2024/11/16 - 22:25

Ertzaintzak Donostian bi manifestazio banantzeko egin duen kargak tentsio uneak eragin ditu

Ordu berean zeuden deituta bi protestak: 'Lo que no te cuentan de Donosti' taldearen bilkura eta horren parean jarri den "arrazakeriaren, klasismoaren eta faxismoaren aurkako" elkarretaratzea.

2024/11/16 - 20:10

Mobilizazio erraldoi baterako deia egin du Gure Eskuk ekainaren 7rako

"Euskal lurralde guztietako jendea" deitu du Gure Esku ekimenak, "Herri libre bat. Euskal Herriak erabaki!" lelopean, Bilbon egingo den manifestazioarekin bat egitera.

2024/11/10 - 16:53

Ehunka lagun batu dira Altsasun Sunsundeguiren etorkizunerako alternatiba bat eskatzeko

Enpresa-batzordeak badaki negoziazioak abiatu dituztela Altsasuko lantegian, bazkide inbertitzaileak bilatzeko.

2024/11/10 - 10:40

Lau atxilotu eta 31 polizia zauritu Valentzian, Mazonen dimisioa eskatzeko protestaren osteko istiluetan

Valentziako Generalitateko presidentearen aurka egindako martxa jendetsua eta baketsua izan da. Horren ostean, baina, manifestari batzuek aurre egin diete agenteei. Bi atxiloturi desordena publikoak egotzi dizkiete, eta beste biei, agenteen aurkako atentatua.

2024/11/10 - 00:03

Agur naziak eta kantu faxistak Madrilen, Ferrazera iritsi den martxa batean

Nucleo Nacional talde neonaziak deituta, 2.000 pertsona bildu dira Espainia plazatik Ferrazera egindako manifestazioan, Amnistia Legearen aurkako protestek urtebete bete dutenean. Martxa polizia-kargekin amaitu da PSOEren egoitzaren inguruetan, eta bi pertsona atxilotu dituzte.

2024/11/09 - 23:13

Manifestazio jendetsua egin dute Valentzian, Mazonen dimisioa exijitzeko

130.000 lagun bildu dituen protesta 18:10ean hasi da, hiriburuan. Antolatzaileen ustez, hondamendia "saihets zitekeen" eta Mazonek "ezin du egun bat gehiago iraun" Valentziako Gobernuan. Poliziak lau pertsona atxilotu ditu manifestazioaren amaieran izandako istiluetan.

2024/11/09 - 22:04

Mazonen eta Gobernu osoaren dimisioa eskatu dute, euriteen aurreko eta osteko kudeaketa ''penagarriagatik''

Deialdia egin duten dozenaka elkarteek Valentziako Gobernuaren gaitasun eza salatu dute eta Mazon presidentearen eta Gobernu osoaren dimisioa eskatu dute. Politika ekonomiko eta sozialetan aldaketak eskatu dituzte, berreraikuntza "pertsonak erdigunean jarriz" egin dadin.

2024/11/09 - 19:30

Ehunka lagun bildu dira Lagan, dunak aldatzeko Kosta zuzendaritzaren lanen kontra

Salatu dutenez, obra horiekin hondartzako bi dunak pasabide baten bidez lotu nahi dituzte. Paisaia aldatzeaz gain, pasabide hori oztopo izango litzateke mugikortasun urriko pertsonak hondartzara sartzeko eta balizko ebakuazioak egiteko. Udalak ez zuen lanen jakinarazpen ofizialik.

2024/11/08 - 14:39

CCOOk, UGTk eta Euskadiko patronalek bilkura egin dute Bilbon, GOIDIren biktimei elkartasuna adierazteko

Sindikatuek 10 minutuko kontzentrazioa egin dute Bilbon, euren egoitzen aurrean, eta Confebask, CEOE eta Cebek patronaletako kideek elkarretaratzea egin dute Euskadi plazan, Iberdrola dorrearen aurrean.

2024/11/01 - 20:00

Hiru atxilotu eta 9 ikertu Aquariumean desordena publikoagatik, kontzentrazio antiespezista batean

Kontzentrazioaren amaieran, dozena bat parte-hartzaile Aquiariumera sartu dira, erabiltzaileei sartzea galaraziz. Borondatez irten nahi ez zutenez, Ertzaintzak indarrez atera behar izan ditu. Atxilotuak aske utzi dituzte arratsaldean.

2024/10/26 - 22:23

Araban aurreikusitako makroproiektu energetikoak bertan behera uzteko eskatu dute Gasteizen

UAGA Arabako nekazarien sindikatuak eta hainbat herri-plataformak deituta, Bilbo plazatik abiatu da manifestazioa. Antolatzaileen arabera, 5.500 manifestari inguru batu dira "Makroproiekturik ez. Lurra defenda dezagun" leloa zeraman pankarta erraldoiaren atzean.

2024/10/26 - 22:09

160 erakundek makroproiektu energetikoen aurkako manifestazioa egin dute Gasteizen

5.500 manifestari batu dira protestan, antolatzaileen arabera. Hiriguneko kaleak zeharkatu dituzte, "Makroproiekturik ez. Lurra defenda dezagun" leloa zeraman pankarta erraldoiaren atzean.

2024/10/20 - 16:35

Pedro Sanchezen aurkako elkarretaratzea egin dute Madrilen, PPren eta Voxen bultzadarekin

Espainia Konstituzionalaren aldeko Plataformak elkarretaratzea egin du gaur eguerdian Madrilen, hauteskundeak eskatzeko, "batasunaren, duintasunaren, legearen eta askatasunaren alde". PPko eta Voxeko politikariek hartu dute parte ekitaldian.

2024/10/19 - 23:23

Urdaibaiko Guggenheim museoaren proiektua gelditzeko eskatu dute milaka lagunek Gernikan

Manifestariek egitasmoa gelditzeko eskatu dute, "Busturialdearen etorkizunaren alde". Guggenheim Urdaibai Stop plataformak deituta, parte-hartzaileek salatu dute proiektuak ez diela eskualdearen beharrizanei erantzuten, "erakunde pribatu baten nahiei baizik".

2024/10/19 - 22:54

''Gutxi batzuen mesederako'' izango den Guggenheim Urdaibai proiektua ''bihar bertan'' gelditzeko eskatu dute

Busturiak bere etorkizuna erabaki nahi duela adierazi dute milaka lagunek Gernikan, "pertsonak eta natura erdigunean jarriko dituen etorkizuna" aldarrikatu eta Urdaibai ez dagoela salgai esanez. Diru publikoa "gutxi batzuen interesentzako eta natura suntsitzeko erabiltzea" bidegabe jo dute.

2024/10/19 - 20:37

Manifestazioa Gernikan, Guggenheim museoaren proiektuaren aurka

Guggenheim Urdaibai Stop plataformak manifestazio "zaratatsua" egin du 18:00etan hasita Gernikan, museo berriaren proiektua gaitzesteko.