TRWren zuzendaritzak beharrezko jo ditu kaleratzeak lantegiak irauteko
Paul Henry Parnham ZF-TRW Automotive Españaren zuzendaritzako kideak esan du ez dagoela Landabengo lantegia ixteko egitasmorik, baina kaleratzeak beharrezkoak direla bizirauteko, nahiz eta aitortu "67 bakarrik" kaleratuta nahikoa dela, Volkswagenentzat ekoizten hasiz gero.
Parnhamek agerraldia egin du gaur goizean Nafarroako Parlamentuan, eta kanpoaldean TRWko langileek protesta egin dute, 24 orduko lanuztea egiten ari baitira, mobilizazio egutegiaren baitan.
Langileek multinazionalaren planei uko egiten zioten bitartean (250 langile kaleratzea aurreikusi du), zuzendaritzako ideak esan du ez dela Nafarroan bertaratu lantegia ixteko: "Enpresak ez du lantegia hiru urteko epean ixteko asmorik, negozioa suspertzeko aldaketak egin nahi ditu".
Hala eta guztiz ere, kaleratzeen harira, "lantegiak bizirauteko erabakiak" hartu behar direla azpimarratu du, "dagoenean utziz gero, lantegia itxi" egin beharko delako, "azken hiru urteetan 43,7 milioi euroko galerak, eta datozen 5 urteetarako 63 milio eurokoak aurreikusi ostean".
"Ezer egiten ez badugu, dirutza horiek galtzen jarraituko dugu. Ez da mehatxu bat, errealitatea baizik", azaldu du Parnhamek. Kaleratze kopurua murriztearen alde agertu da; hala, "Volkswageneko negozioa lortuz gero, 200 kaleratze izan beharrean, 67 izan litezke", zehaztu du.
"Negozio hori ekartzen saiatzeko" konpromisoa hartu ostean, multinazionalak Iruñean 250 langile kaleratzen ez baditu aurrerago "600" izan daitezkeela ohartarazi du.
Izan ere, "2009tik" ez omen dute "eskaera garrantzitsurik" lortu, eta enpresaren kostua oso altua dela (37,21 euro orduko), inon baino gehiago egoten dela lantegia geldirik (50 egun), taldeko lanordu kopuru baxuena duela (1.695), eta absentismo altuena duela (% 8) salatu du.
Carlos Garcia Adanero UPNren parlamentariak zalantza agertu du enpresaren etorkizunaren inguruan, eta etorkizuna "errealista" izatea espero du, "hiru urte barru ez dadin egoera errepikatu".
Adolfo Araiz EH Bildukoak ere mesfidantza agertu du, Parnhamek "lantegiak ixten dituen pertsonaren fama" duelako.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.