Etxebizitzen gaineko hipoteka-kopurua % 23 hazi da Euskadin urtebetean
Euskal Autonomia Erkidegoan (EAE) etxebizitzak erosteko 1.541 hipoteka sinatu dira ekainean, 2015eko hilabete berean baino % 23 gehiago, hain zuzen ere. Espainiako Estatistika Institutuak emandako datuen arabera, aurreko hilean baino % 4,5 hipoteka gehiago sinatu dira ekainean. Gaztela-Mantxan (% 18,4) eta Balear Uharteetan (% 14,3) bakarrik izan da igoera handiagoa.
Espainiako Estatuan, etxebizitzak erosteko hipoteka kopuruak % 15,5 egin du gora urtebetean, baina % 4,9 egin du behera 2016ko maiatzeko datuekin alderatuta.
Espainiako Estatistika Institutuaren arabera, EAEn sinatu ziren 1.541 hipoteka horien bidez 240,6 milioi euro utzi dira maileguan; aurreko urtean baino % 33,2 gehiago eta maiatzean baino % 5,3 gehiago. Halaber, ekainean etxebizitzak erosteko sinatu diren hipoteketan, batez beste, 156.190 euro utzi dira maileguan.
Espainiako Estatuan, hipoteka horietarako utzitako kapitalak % 24,2 egin du gora azken hamabi hilabeteotan, guztira 2.843.7 milioi euro utzi baitira maileguan.
Bestalde, ekainean etxebizitzen gaineko 985 hipoteka geratu dira bertan behera EAEn; Estatuan kitatu diren 29.425 hipoteken % 3,3, alegia. Horrez gainera, etxebizitzen gaineko 138 hipotekatan egin dira erregistro-aldaketak EAEn; Estatuan aldatu diren hipoteka guztien (8.003) % 1,7, beraz, Euskadin egin dira.
Nafarroan, berriz, etxebizitzen gaineko 387 hipoteka sinatu dira ekainean, eta kopuru horrek % 18 egin du gora urtebetean. Ekainan, baina, maiatzean baino hipoteka gutxiago (% 18,5) sinatu dira.
Foru Erkidegoan, 38,3 milioi euro utzi dituzte maileguan horiek sinatzeko; azken urtebetean baino % 2,4 gehiago baina aurreko hilabetean baino % 13,8 gutxiago. Era berean, 263 hipoteka kitatu dituzte bertan ekainean.
Bestalde, Espainiako datuei dagokienez, etxebizitzen gaineko hipoteka berrien kopurua duela urtebete baino % 15,5 handiagoa da. Dena den, maiatzeko datuekin alderatuta, % 4,9 gutxiago sinatu dira ekainean.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.