Euskotreneko grebak % 100eko jarraipena izan du, sindikatuen arabera
Euskotreneko tren, autobus eta tranbia zerbitzuetan gaurko deitutako 24 orduko grebak % 100eko jarraipena izan du sindikatuen arabera, eta % 21,8koa, berriz, enpresaren esanetan.
Sindikatuek ziurtatu dutenez, lanuztearen jarraipena erabatekoa izan da, gutxieneko zerbitzuak normaltasun osoz betetzen ari dira eta ez da aparteko gorabeherarik izan.
Enpresaren esanetan, lanuzteak eragin handiagoa izan du Amarako makinisten artean. Halaber, informazio eske ari diren erabiltzaile kopurua albo batera utzita, eguna aparteko gorabeherarik gabe igarotzen ari dela azpimarratu du zuzendaritzak.
Asteazken honetan hainbat aldaketa izaten ari dira Euskotreneko zerbitzuetan, langileek 24 orduko greba egiten ari direlako. Euskal Autonomia Erkidego hiru hiriburuetan idute eragina lanuzteek. Enpresa zuzendaritzak sindikatuak, Batzorde Iraunkorra eta Amara eta Araso lan egoitzetako greba batzordea osatzen duten langileak salatu ostean egingo dute greba.
Epaiketa gaur goizean izan da, eta Donostiako Epaitegien aurrean kartelada egin dute sindikatuek, protesta gisa.
Batzorde Iraunkorraren arabera, Euskotreneko zuzendaritzak jarritako salaketa "greba eskubidearen aurkako eraso argi bat" da. Langileez gain, greba batzordea eta enpresa-batzordean ordezkaritza duten sindikatuak salatu ditu Euskotreneko zuzendaritzak. Amara eta Araso lan egoitzetako greba batzordea osatzen duten langileen kontrako salaketa ustezko legez kanpoko deialdiagatik eta neurriz kanpoko erabileragatik jarri du Euskotreneko zuzendaritzak.
ELA, LAB, CCOO, UGT, ESK Federazioek eta Independientes sindikatuek bat egin dute Euskotreneko Batzorde Iraunkorrak gaurko deitutako 24 orduko greba deialdiarekin. Gauzak horrela, egunean zehar Lurraldebusek zerbitzu bereziak eskainiko ditu.
Debabarrenan, Eibar-Ermua eta Donostia batzen dituen zerbitzuan nolabaiteko eragina izaten ari da greba. Era berean, Lekeitio-Donostia, Mallabia-Ondarroa eta Soraluze-Mendaro-Ondarroa lineetan aldaketak izaten ari dira.
Urola Kostan, Zumaia-Zarautz-Donostia (GI-634 errepidea zeharkatzen duena) eta Zumaia- Donostia lineetan (AP-8a zeharkatzen duena) izan dira aldaketa nabarmenenak.
Gainera, 24 orduko grebak aldaketak ekarriko ditu Zumaia-Orio-Donostiako Ospitalea linean.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.